Sibeha roja Pêncşemî 18’ê Gelawêja 1403’an a Rojî, welatiyekî Kurd bi navê “Saman Mîrzayî” xelkê gundê “Serhowiye”a ser bi bajarê Sine ji aliyê hêzên ewlehiyê ve hat binçavkirin û bo cihekî nediyar veguhastin.
Roja Pêncşemî 18’ê Gelawêja 1403’an a Rojî, kolberek bi navê “Rizgar Xilkanî” xelkê Serdeştê li sînorê “Hengejale” ya bajarê Bane ji aliyê hêzên leşkerî yên hikûmetê ve hat birîndarkirin.
Roja Duşemî 15’ê Gelawêja 1403’an a Rojî, jineke ciwan a xelkê Îlamê bi navê “Meryem Rostemî” temen 21 salî, keça Kyûmers, ji aliyê hêzên ewlehiyê ve hat binçavkirin û bo cihekî nediyar veguhastin.
Heşt roj bi ser binçavkirina Manîce Xweşnûd, jina Kurd a xelkê Bokanê re derbas dibe, heta niha ti zanyariyên rast li derheq çarenivîsa wê de nînin.
Sibeha roja Çarşemî 17’ê Gelawêja 1403’an a Rojî, girtiyekî bi navê “Şehab Melikî” xelkê bajaroka Hersîn a ser bi parêzgeha Kirmaşanê li girtîgeha Qizilhsar a Kerecê hate îdamkirin.
Hikmet Emîrî, çalakvanê medenî yê xelkê Dêhgolanê, ji aliyê taya yekem a dadgeha Şoreş ya vî bajarî bi serokatiya dadwer Rostemî Ehiqer, bi 42 meh girtîgehê hat cezakirin.
Civata Şêwra Çalakvanên Medenî ya Yarasanê bi daxuyaniyekê cezayê îdamkirina Riza Resayî şermezar kir û ragihand ku termê wî bêyî destûra malbatê û bêyî ‘’rêûresma Yarî li goristaneke dûrî bajarê wî hatiye veşartin.
Êvariya roja Çarşemî 10’ê Gelawêja 1403’an a Rojî, kolberek bi navê “Nasir Osmanî” temen 42 salî, kurê Qadir, xelkê bajarê Rebet a Serdeştê, bi sedema ketina ji bilindahiyê li sînorê Bane, canê xwe ji dest da.
Di heyama 5 rojên borî de welatiyekî temen 40 salî xelkê bajarê Nexede bi navê “Rêbwar naskirî bi (Riza) Yasemenî” piştî ku hêzên ewlehiyê bi ser mala wî de girtin, bi lêdan azardanê navbirî binçavkirin û bo cihekî nediyar veguhastin.
Êvariya roja Çarşemî 10’ê Gelawêja 1403’an a Rojî, kolberek bi navê “Esed Efirence” xelkê gundê “Siyanav”a ser bi bajarê Merîwanê, bi sebeba teqeya rasterast a hêzên leşkerî yên dewletê li sînorê vî bajarî, hat kuştin.
Ajansa Nûçegihandinê ya Kurdpa
