بنەماڵەی فەهیم کەریمی، زیندانی سیاسیی کورد لە نامەیەکدا بۆ ڕێپورتێری تایبەت لە ڕێکخراوی نەتەوەیەکگرتووەکان لە کاروباری ئێران، سەبارەت بە مافی مرۆڤ داوای پێداچوونەوەی دۆسیەی مردنی گوماناوی ناوبراو لە زیندانی ورمێ دەکەن.
دیوانی بەرزی وڵات لە لقێکی خۆی لە شاری قوم، حوکمی قەساس و زیندانی بۆ شەش چالاکی سیاسیی کورد پەسند کردەوە.
دوو زیندانیی سیاسیی کورد لە زیندانی ڕەجایی شاری کەرەج، بە بڵاوکردنەوەی نامەیەکی سەرئاوەڵا، هاوخەمیی خۆیان بۆ بنەماڵە و کسوکاری کۆڵبەرانی کوژراو دەربڕی.
لە درێژەی دەستبەسەر کردنی هاووڵاتییانی کورد لە شارەکانی کوردستانی ئێران، هێزە ئەمنیەتییەکانی حکوومەتی ئیسلامیی ئێران، لە شاری کامیاران سێ هاووڵاتییان دەستبەسەر کرد و بۆ شوێنێکی نادیار ڕایانگواستن.
دوو زیندانی تازە مەسیحی کە بە هۆی گۆڕینی دینیان لە ئیسلامەوە بۆ دینی مەسیحییەت ماوەیەک لەوە پێش قۆڵبەست کرابوون، ئێستا مانیان لە خواردن گرتووە.
هێزە حکوومەتییەکان لە ناوچەی سەڵماس و سنووری وڵاتی تورکیە، چوار کۆڵبەری کوردیان دایە بەر دەستڕیژ و لە ئاکامدا دوو کەس لە کۆڵبەران کوژران و دوو کەسی دیکەش بریندار بوون.
دادگای ئینقلابی شاری سەقز حوکمی ١ساڵ زیندانی بۆ دوو هاووڵاتیی کورد خەڵکی ئەو شارە بڕیەوە.
تەقینەوەی مینە بەجێماوەکان لە سنووری شاری قەسری شیرین هاووڵاتییەکی مەڕداری خەڵکی ئەو شارەی کردە قوربانی.
پاش بڕینەوەی حوکمی قورس بۆ حەوت هاووڵاتیی خەڵکی شاری شنۆ، چوار هاووڵاتیی دیکەی خەڵکی ئەو شارە بە زیندانی درێژماوە مەحکووم کران.
ڕێکخراوی مافی مرۆڤی ئێران لە سەپاندنی حوکمی ئێعدام بەسەر یەکێک لە دەستبەسەرکراوەکانی شاری شنۆ نیگەرانیی دەربڕیوە.
ئاژانسی هەواڵدەریی کوردپا
