ڕێکخراوی دادکۆکی لە مافی مرۆڤی کوردستان لە بەیاننامەیەکدا بە بۆنەی ڕۆژی جیهانی کرێکارن له زۆربوون و پەرەسەندوویی بێکاری، دۆخی نالەباری ژیان و گوزەرانی کرێکاران و فەرمانبەرانی ڕۆژکار و زۆربوونی هەژاری لە ئێران نیگەرانی دەربڕیووە.
هاووڵاتییەکی کورد، خەڵکی شاری مەریوان پاش ١٥٢ ڕاگیرانی لە گرتووخانەی ئیتلاعاتی شاری سنە بۆ زیندانی ناوەندیی شاری مەریوان گوازرایەوە.
دادسەرای ئینقلابی شاری سەقز، حوکمی زیندانی کردنی بۆ دوو چالاکی مەدەنی بڕیەوە.
سەربازێکی کورد خەڵکی شاری بیجاڕ، بە هۆی تەقینەوەی مین لە خاڵی سنووری شاری سەقز بریندار و بۆ نەخۆشخانەی ئەو شارە گوێزرایەوە.
مانگرتنی دوکانداران و بازاڕیانی شاری بانە پێی نایە ١٦هەمین ڕۆژی خۆیەوە و مانگرتووان ڕایانگەیاندووە کە ئێواران لە بەردەم بینای فەرمانداری ئەو شارە کۆدەبنەوە.
پاش تێپەڕبوون زیاتر لە دوو دەیە، دۆسییەی یەکێک لە قوربانیانی تەقینەوەی مین لە شاری بانە بەپێی یاسای کۆمیسیۆن ماددەی ٢ هەتا ئێستا تاوتوێ نەکراوە.
زیندانییەکی سیاسیی کورد مەحکووم بە ئێعدام لە زیندانی شاری سنە، لە پێڕاگەیشتن بە چارەسەریی پزیشکی بێبەشە.
چوار هاووڵاتیی کورد لە شاری کرماشان لەلایەن هێزە ئەمنیەتییەکانی حکوومەتی ئێرانەوە لەو شارە دەسبەسەر کران.
پارێزەری کچانی شیناوێی شاری پیرانشار، دەوڵەتی ئێرانی بە بەرپرسی ئازار و مەینەتییەکانی کچانی شیناوێ زانی.
زیندانییەکی سیاسی کورد لە گرتووخانەی ناوەندیی شاری "مسجدسلیمان" بە هۆی نەخۆشی و چارەسەر نەکردنی پزیشکی ناڕەزایەتی دەربڕی.
ئاژانسی هەواڵدەریی کوردپا
