هاووڵاتییەکی کورد خەڵکی شاری بۆکان کە بە تەقەی هێزە نیزامییەکانی حکوومەتی بە سەختی بریندار ببوو، پاش گواستنەوە و مانەوەی لە نەخۆشخانەی شاری مەهاباد، بە هۆی کاریگەری برینەکانییەوە، گیانی لە دەستدا.
مامۆستایەکی سەقزی پاش ١٠ ڕۆژ لە دەسبەسەر کرانی لە گرتووخانەی ئیدارەی ئیتلاعات، بۆ زیندانی ناوەندیی شاری سەقز ڕاگوێزراوە.
٥ زیندانی سوننی مەزهەب لە گرتووخانەی شاری ورمێ بە ١٥ ساڵ و ٩ مانگ زیندانی لە لایەن لقی ٢ی دادگای ئینقلابی ئەو شارەوە مەحکووم کران.
هێزە ئیتلاعاتییەکان ٥ هاووڵاتیی کوردی خەڵکی شاری مەریوانیان دەسبەسەر و بۆ شوێنێکی نادیار ڕاگواست.
زیاتر لە ١٥ تۆمەتی ئەمنییەتی لە لایەن ناوەندە ئیتلاعاتییەکانی شارەکانی مەلەکشایی و ئیلامەوە دژی شاعێرێکی کورد خراونەتە بەرباس.
ئەندامێکی کۆمیتەی هاوئاهەنگیی بۆ پێکهێنانی ڕێکخراوە کرێکارییەکان، بانگهێشتی دادسەرا و دادگای ئینقلابی شاری سنە کراوە.
دوو هاووڵاتیی کوردی خەڵکی شارەکانی دیواندەرە و ئیلام، لە ئیسفەهان و ئیلام لە سێدارە دران.
دوو مامۆستای قوتابخانەکانی شاری سەقز، بانگهێشتی ئیدارەی ئیتلاعات و لێپرسینەوەیان لەگەڵ کرا.
کاسبکارێکی کوردی خەڵکی شاری بانە، بە تەقەی ڕاستەوخۆی هێزە نیزامییەکان بە سەختی بریندار بوو.
هاووڵاتییەکی کوردی خەڵکی شاری مەریوان، پاش سێ مانگ دەسبەسەرکرانی، بە دانانی بارمتەی ٢٠٠ میلیۆن تمەنی بە شێوەی کاتی ئازاد کرا.
ئاژانسی هەواڵدەریی کوردپا
