ڕۆژی یەکشەممە، ٦ی بەفرانبار، هاووڵاتییەکی کورد بە ناوی "دارا ڕەشیدی" کوڕی "مستەفا"، تەمەن ٤٧ ساڵ و خەڵکی سەردەشت، پاش دوو مانگ دەسبەسەری لە گرتنگەی "سپای ئەلمەهدیـ"ـی ورمێ، بۆ پەزیرشی زیندانی ناوەندیی ئەم شارە ڕاگوێزرا.
ڕۆژی یەکشەممە، ٦ی بەفرانبار، کۆڵبەرێکی کورد بە ناوی "ئەسعەد پیری"، خەڵکی پیرانشار، بە تەقەی هێزە نیزامییەکانی حکوومەت پێکرا.
چەند ڕۆژ پێش، هێزە ئیتلاعاتییەکان لە سایین قەڵا، هاووڵاتییەکی کوردی خەڵکی ئەو شارەیان بە ناوی "مەهدی ئیسماعیلی" دەسبەسەر کرد و بۆ شوێنێکی نادیاریان ڕاگواست.
لە ماوەی ڕۆژانی ڕابردوودا، ژمارەیەک لە کۆڵبەرانی کورد لە بەرزاییەکانی سنووری سەڵماس کەوتنە بۆسەی هێزە نیزامییەکانی حکوومەت و لە ئەنجامدا کۆڵبەرێک بە ناوی "سالار ڕەحمانی" کوڕی "محەممەد"، تەمەن ٢٣ ساڵ، بریندار بوو.
ئاژانسی هەواڵدەریی کوردپا ئاماری پێشێکاریی مافی مرۆڤ بە شێوەی ڕۆژانە دەخاتە بەر باس.
ڕۆژی هەینی ٣ی ڕێبەندان، لاوێکی کوردی خەڵکی مەهاباد، بە ناوی "عەبدوڵڵا خزرپوور" کوڕی "ئەحمەد"، بە هۆکاری نادیار کۆتایی بە ژیانی خۆی هێنا.
ڕۆژی شەممە، ٥ی ڕێبەندان، لاوێکی کورد بە ناوی "سەلمان ئەفرا" کوڕی "ڕەحمەت"، خەڵکی گوندی "نێـ"ـی مەریوان، بۆ تێپەڕاندنی ماوەی زیندانییەکەی، ڕەوانەی زیندانی ئەو شارە کرا.
زیندانییەکی تاوانبار بە کوشتنی بەئەنقەست بە ناوی "ئەسغەر دەروێش زادە" کوڕی "محەممەد سەلیم"، خەڵکی گوندی "دلەدەر" سەر بە بەخشی ئەنزەل، بە لێخۆشبوونی بنەماڵەی کوژراوەکە، لە سێدارە ڕزگاری بوو.
"نەهرۆ مینوویی"، کاریکاتۆریستی خەڵکی مەریوان، بەهۆی گوشاری ناوەندە ئیتلاعاتییەکانەوە زێدی خۆی بەجێ هێشت.
حکوومەتی ئێران لە هەنگاوێکی نوێدا، بەربژاری"کەمایەتییە ئایینییەکانی دیکە"ی لە فورمی تایبەت بە وەرگرتنی کارتی میللیی سڕیوەتەوە.
ئاژانسی هەواڵدەریی کوردپا
