هێزە ئیتلاعاتییەکان بە دوورخستنەوەی مامۆستایەکی ئایینی لە سەر کارەکەی لە گوندی "ناچیت"، هەنووکە ئەو گوندە بێ مامۆستایە و ئەمەش ناڕەزایەتی دانیشتوانی ئەو گوندی لێکەوتووەتەوە.
ڕۆژی سیشەممە ١٩ی ڕێبەندان، هاووڵاتییەکی کورد بە ناوی "فواد وەکاڵەتی" خەڵکی ماکۆ، بۆ تێپەڕاندنی ماوەی زیندانییەکەی ڕەوانەی زیندانی ماکۆ کرا.
لە ماوەی ڕۆژانی ڕابروودا، کۆڵبەرێکی کورد بە ناوی "محەممەد فەقیزادە"، خەڵکی پیرانشار، بەهۆی تەقەی هێزەکانی سپای پاسداران لە کاتی کۆڵبەریدا پێکرا.
ڕۆژی یەکشەممە، ٢٠ی ڕێبەندان، ئەدمینی کەناڵێکی تێلێگرامی لە ئیلام، بە تۆمەتی "بڵاوکردنەوەی هەواڵی ناڕاست و تێکدانی بێروڕای گشتی" دەسبەسەر کرا.
ڕۆژی شەممە، ١٩ی ڕێبەندان، لاوێکی کورد بە ناوی "ئەمیر موجیب" کوڕی "عەلی"، خەڵکی ورمێ، لەلایەن هێزەکانی سپای پاسدارانەوە دەسبەسەر کرا.
زیندانییەکی سیاسیی کورد بە ناوی "حوسێن عوسمانی" کوڕی "ساڵح"، تەمەن ٦٠ ساڵ و خەڵکی مەهاباد، لە زیندانی ناوەندیی ورمێ لە ماوەی دەسبەسەرکران و زیندانییکردنیدا، لە مافی هاتنە مورەخەسی بێبەری کراوە.
ئێوارەی ڕۆژی شەممە، ١٩ی ڕێبەندان، دوو لاوی تەمەن ١٦ ساڵ بە ناوەکانی "حەمید ئەژدەری" کوڕی "مەحموود" و "ئوسامە بامداد" کوڕی "ئارام"، خەڵکی گوندی "نێـ"ـی مەریوان، لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزران.
ڕۆژی شەممە، ١٩ی ڕێبەندان، "هادی تەنومەند"، چالاکێکی کرێکاری و ئەندامی کۆمیتەی هاوئاهەنگی بۆ پێکهێنانی ڕێکخراوە کرێکارییەکان، بۆ تێپەڕاندنی ماوەی ٤٢ مانگ زیندانییەکەی، ڕەوانەی زیندانی بۆکان کرا.
ڕۆژی پێنجشەممە، ١٧ی ڕێبەندان، خوێندکارێکی کورد بە ناوی "موحسێن ئەحمەدزادە"، خەڵکی شنۆ، لە سنە لەلایەن هێزە ئیتلاعاتییەکانەوە دەسبەسەر کرا.
ڕۆژی پێنجشەممە، ١٧ی ڕێبەندان، "ئەمین سێبەر"، چالاکی کرێکاریی کوردی خەڵکی کرماشان، بۆ تێپەڕاندنی حوکمەکەی ڕەوانەی زیندانی دێزڵاوای کرماشان کرا.
ئاژانسی هەواڵدەریی کوردپا
