ڕۆژی سێشەممە ٦ی خەزەڵوەر، هاووڵاتییەکی کورد بە ناوی "فەرشاد فەتاحی" خەڵکی ورمێ، پاش تەواوبوونی ماوەی لێپرسینەوەکەی لە گرتنگەی ئیدارەی ئیتلاعات، بۆ زیندانی ناوەندیی ئەو شارە ڕاگوێزرا.
باری تەندروستیی گشتیی کۆڵبەرێکی کورد بە ناوی "ئیدریس بارزان" خەڵکی شاری پیرانشار، کە بەهۆی تەقەی هێزە نیزامییەکانی حکوومەتی لە سنووری بانە پێکرابوو، نالەبارە.
ڕۆژی دووشەممە ٥ی خەزەڵوەر، هاووڵاتییەکی کورد بە ناوی "فاروق عەزیزی" کوڕی محەممەد تەمەن ٣٩ ساڵ خەڵکی گوندی "بێمزورتێـ"ـی شاری شنۆ، پاش بانگهێشتکردنی بۆ ئیدارەی ئیتلاعاتی ئەو شارە، دەسبەسەر کرا.
لە ڕۆژانی ڕابردوو، ئیدارەی ئیتلاعاتی شاری مەهاباد، ڕۆژانە و بۆ ماوەی چەند کاتژمێر بنەماڵەی ئەندامانی حیزبە کوردییەکان بانگهێشتی ئەو ناوەندە حکوومەتییە دەکات و لێپرسینەوەیان لێ دەکات.
ڕۆژی یەکشەممە ٤ی خەزەڵوەر، ئەرسەلان هیدایەتی، چالاکی مەدەنیی خەڵکی شاری قوروە، بە شێوەی مەرجدار و کارکردنی قورس لە دوایین ڕۆژەکانی زیندانییەکەیدا، لە زیندانی "دیزڵاوا"ی شاری کرماشان ئازاد کرا.
ڕۆژی یەکشەممە ٤ی خەزەڵوەر، کۆڵبەرێکی کورد بە ناوی "باست محەممەدی" خەڵکی گوندی "نەنۆڕ"ی شاری بانە، بەهۆی تەقەی هێزە نیزامییەکانی حکوومەت لە سنووری "سەرتەزێنـ"ـی ئەو شارە پێکرا.
شاکر بێهرووزی، زیندانیی سیاسیی کوردی مەحکووم بە ئێعدام لە زیندانی ورمێ، بە دروستکردنی دۆسییەیەکی نوێ بۆ ناوبراو، بانگهێشتی دادگای کەیفەریی شاری ورمێ کرا.
زیندانییەکی سیاسی بە ناوی سەید "محەممەد حوسێنی" خەڵکی شاری نەغەدە، ماوەی ٣٣ مانگە لە زیندانی ئەو شارەدا چارەنووسی ناڕوونە.
ڕۆژی چوارشەممە ٣٠ی ڕەزبەر، هاووڵاتییەکی کورد بە ناوی "حەسەن قادرنژاد" خەڵکی شاری سەقز، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بەپێی ئاماری تۆمارکراو لە ناوەندیی ئاماری ڕێکخراوی مافی مرۆڤیی کوردپا، لە مانگی ڕەزبەر ساڵی ١٣٩٩دا، بە گشتی ٣٢ هاووڵاتیی کورد لە شارەکانی کوردستانی ئێران دەسبەسەر کراون.
ئاژانسی هەواڵدەریی کوردپا
