لە ماوەی ڕۆژانی ڕابردوودا، دوو هاووڵاتیی کورد بە ناوەکانی "سیاوەش عەینی" و "کەیوان ئەندار"، خەڵکی شاری مەهاباد، پاش کۆتایی ماوەی لێپرسینەوەکەیان لە گرتنگەی ئیتلاعاتی سپا لە ورمێ، بۆ بەندی دابڕگەی زیندانی ئەو شارە ڕاگوێزراون.
دوای تێپەڕینی نزیکەی ٥۰ ڕۆژ لە دەسبەسەرکردنی فەرزاد سامانی، بنەماڵەی ئەو خوێندکارەی زانکۆی خاڕەزمییە، هیچ زانیارییەکیان لەمەڕ چارەنووسی ناوبراو لە بەردەستدا نییە.
سەرلەبەیانیی ڕۆژی پێنجشەممە ۷ی ڕەشەمە، سپای پاسداران پاش ڕێوڕەسمی بەخاکسپاردنی دوو هاووڵاتیی کورد بە ناوەکانی "عەبدوڵڵا نادری" و "عوسمان نادری"، کوڕی مارف و خەڵکی پیرانشار، گڵکۆکانیانی بە بتۆن داپۆشاندووە.
حوکمی ١٥ ساڵ زیندانیی شاناز (بێریوان) سادقیفەر، زیندانیی سیاسیی کورد لە دادگای پێداچوونەوەی ورمێ، بۆ ٥ ساڵ و ڕۆژێک کەم کرایەوە.
ڕۆژی پێنجشەممە ٧ی ڕەشەمە، بنەماڵەی چالاکێکی سیاسیی کورد لە گوندی "قەمشلوو" سەر بە شاری ورمێ، لەگەڵ ئازار و ئەزیەتی هێزەکانی سپای پاسداران بەرەڕوو بوونەوە.
ڕۆژی چوارشەممە ٦ی ڕەشەمە، شادمان بەنی بەشەر، چالاکی مەدەنی و ئەندامی گرووپی شاخەوانیی "چلچەمە"، دوای تەواوبوونی ماوەی زیندانیبوونەکەی، لە زیندانی ناوەندیی سنە ئازاد کرا.
ڕۆژی چوارشەممە ٦ی ڕەشەمە، محەممەد (عیسمەت) سەلەحشوور، زیندانیی سیاسیی کورد و خەڵکی ناوچەی مەرگەوەڕ، لە زیندانی ناوەندیی ورمێ ئازاد کرا.
ئەمڕۆ چوارشەممە ٦ی ڕەشەمە، دوو هاووڵاتیی کورد بە ناوەکانی "عەبدوڵڵا نادری" و "عوسمان نادری"، کوڕی مارف و خەڵکی شاری پیرانشار، بەهۆی تەقەی ڕاستەوخۆی هێزەکانی سپای پاسداران، گیانیان لەدەست داوە.
بەرپرسانی زیندانی ورمێ، لەگەڵ داواکاریی مەرەخەسیی دەرمانیی زیندانییەکی سیاسیی کورد بە ناوی "نایب حاجیزادە یەنگیجە"، دژایەتییان کردووە.
لە ماوەی ڕۆژانی ڕابردوودا، هاووڵاتییەکی کورد بە ناوی "زانیار موعتەمیدی"، خەڵکی شاری مەریوان، بە دانانی بارمتە بە شێوەی کاتی لە گرتنگە ئازاد کراوە.
ئاژانسی هەواڵدەریی کوردپا
