هاووڵاتییەکی کورد بە ناوی سەید "محەممەد حوسێنی"، خەڵکی شاری نەغەدە، بە تۆمەتی "محاربە"، لە ڕێگای ئەندامبوون لە یەکێک لە حیزبە کوردییەکانی ئۆپۆزیسیۆنی حکوومەتی ئێران، لەلایەن لقی ١ی دادگای ئینقلابی مەهاباد، بە ٤٠ ساڵ زیندان و دوورخرانەوە بۆ…
ڕۆژی سێشەممە ٢١ی بانەمەڕ، "فاتمە دادوەند"، تەمەن ٤٣ ساڵ، کچی دەروێش و خەڵکی بۆکان کە لە ڕەوتی خۆپیشاندانەکانی خەزەڵوەری ٩٨ دەسبەسەر کرابوو و حوکمی زیندانی بەسەردا سەپابوو، بە پێبەندی ئێلێکترۆنیکی لە زیندانی ناوەندیی ورمێ ئازاد کرا.
ڕۆژی سێشەممە ٤ی جۆزەردان، هاووڵاتییەکی کورد بە ناوی "شێرکۆ محەممەدپوور" خەڵکی گوندی "بێورانـ"ـی شاری سەردەشت، بەهۆی تەقینەوەی مین بە سەختی بریندار بوو و لاقێکی لەدەست دا.
قانێع خاتری، چالاکی مەدەنیی خەڵکی سنە، لە یەکێک لە گرتنگە ئەمنییەتییەکانی ئەو شارە هەنووکە لە گرتنگەدایە.
ڕۆژی یەکشەممە ٢ی جۆزەردان، هاووڵاتییەکی کورد بە ناوی "لوقمان نیکزاد"، تەمەن ٢٥ ساڵ، کوڕی محەممەد و خەڵکی گوندی "سەردۆش" سەر بە مەریوان، پاش بانگهێشتکردنی بۆ ئیدارەی ئیتلاعاتی ئەو شارە دەسبەسەر کرا.
ڕۆژی دووشەممە ٣ی جۆزەردان، کاوە حەکیمی، چالاکی کرێکاری و یەکێک لە واژۆکەرانی بەیانییەی مەحکوومکردنی دەسبەسرکرانی عوسمان ئیسماعیلی و مەحموود ساڵحی، بانگهێشتی ئیدارەی ئیتلاعاتی سەقز کراوە.
موژگان کاووسی، نووسەر و لێکۆڵەری کوردی بەندکراو لە بەندی زیندانی ئێڤین لە مانگرتنی تەڕ دایە.
سەرلەبەیانیی ڕۆژی دووشەممە ٣ی جۆزەردان، "بێهزاد (محەممەد) مەحموودی"، پەنابەری سیاسیی خەڵکی بۆکان کە لەبەردەم نووسینگەی نوێنەرایەتیی ڕێکخراوی نەتەوە یەکگرتووەکان لە هەولێر، پێتەختی هەرێمی کوردستاندا، ئاگری لە جەستەی خۆی بەردابوو، بەهۆی…
ڕۆژی هەینی ٣١ی بانەمەڕ، هاووڵاتییەک بە ناوی "قاسم عەزیزییان"، تەمەن ٢٨ ساڵ، کوڕی ڕەسووڵ و خەڵکی گوندی "لەج" سەر بە مەهاباد، لەلایەن هێزە ئەمنییەتییەکانەوە دەسبەسەر کرا.
یەک حەوتوو لە دەسبەسەرکرانی عوسمان ئیسماعیلی و مەحموود ساڵحی، دوو چالاکی کرێکاریی خەڵکی سەقز تێپەڕیوە و سەرەڕای بەڕێکردنی دۆسیەی ناوبراوان بۆ دادگای ئینقلابی ئەو شارە، کاتی بەڕێوەچوونی دادگاییەکەیان هێشتا ڕوون نەبووەتەوە.
ئاژانسی هەواڵدەریی کوردپا
