ڕۆژی دووشەممە ١٠ی جۆزەردان، هاووڵاتییەکی کورد بە ناوی "ڕەسووڵ عەبدوڵڵانژاد"، کوڕی ئەبووبەکر، خەڵکی گوندی "گەرگوولی خوارێ" و دانیشتووی شاری پیرانشار بە دانانی بارمتە لە زیندانی نەغەدە ئازاد کرا.
ڕۆژی دووشەممە ١٠ی جۆزەردان، دوو زیندانیی سیاسی بە ناوەکانی "ڕەحیم ڕەفعەتی"، کوڕی محەممەد و "ڕەحمان تابش"، کوڕی موراد، خەڵکی شاری شنۆ، لە زیندانی نەغەدە بۆ زیندانی شوێنی لەدایکبوونیان ڕاگوێزراون.
ژنە هاووڵاتییەک بە ناوی "محەببەت مەحموودی"، خەڵکی ورمێ کە لە ٢٠ ساڵ لەمەوبەر هەتاکوو ئێستا بە تۆمەتی "قەتڵی بەئەنقەست" لە زیندانی ناوەندیی ورمێدایە، بۆ ڕزگاری لە پەتی سێدارە پێویستیی بە یارمەتیی ماڵی هەیە.
ڕۆژی دووشەممە ١٠ی جۆزەردان، کۆڵبەرێکی کورد بە ناوی "محەممەد سادقی"، خەڵکی سەقز، لە ئەنجامی تەقەی هێزە نیزامییەکانی حکوومەتی ئێران، لە سنووری "بروێشکانیـ"ـی بانە، بریندار بووە.
لە ڕۆژی یەکشەممە ٩ی جۆزەردان، فەرزاد سامانی، یەکێک لە دەسبەسەرکراوانی بەفرانباری ٩٩ لە گرتنگەی ئیتلاعاتی سپای پاسداران لە ورمێ، دەستی داوەتە مانگرتن.
ڕۆژی دووشەممە ٣ی جۆزەردان، هاووڵاتییەکی کورد بە ناوی "سۆران شەریفی" و خەڵکی بۆکان، لەلایەن هێزە ئەمنییەتییەکانەوە دەسبەسەر کراوە.
ژاکان باران، شاعیری خەڵکی "مەلەکشا" سەر بە ئیلام، لە ناڕەزایەتی دەربڕین لەمەڕ وڵامنەدانەوەی نووسینگەی نوێنەرایەتیی ڕێکخراوی نەتەوە یەکگرتووەکان لە هەولێر بەنیسبەت داخوازییەکانی، لێوەکانی خۆی دووریوە.
سەرلەبەیانیی ڕۆژی یەکشەممە ٩ی جۆزەردان، کۆڵبەرێک بە ناوی "محەممەد ڕەحمانی"، لە ئەنجامی تەقەی هێزە نیزامییەکانی حکوومەتی ئێران، لە سنووری "سەرتەزێنـ"ـی بانە بریندار بووە.
ڕۆژی شەممە ٨ی جۆزەردان، چالاکێکی مەزهەبی بە ناوی "تەها کەریمی"، کوڕی حوسێن و خەڵکی بۆکان، بە دانانی بارمتە لە زیندانی ناوەندیی ورمێ ئازاد کراوە.
خەبات مەفاخری، چالاکی ژینگەیی، خەڵکی سنە، لەلایەن لقی ١ی دادگای ئینقلابی ئەو شارە، چوار ساڵ زیندانیی هەڵپەسێردراوی بەسەردا سەپاوە.
ئاژانسی هەواڵدەریی کوردپا
