لە ڕۆژی چوارشەممە ١٢ی جۆزەردان، زیندانییەک بە ناوی "ئازاد سەعیدی"، تەمەن ٣٩ ساڵ، کوڕی ڕەحمان و خەڵکی بۆکان، لە ناڕەزایەتی دەربڕین لەمەڕ ڕاگرتنی ناردنی ناوبراو بۆ مەرەخەسی لەسەر بڕیاری دادستان، لە زیندانی ئەو شارە دەستی داوەتە مانگرتن.
ڕۆژی شەممە ١٥ی جۆزەردان، کۆڵبەرێکی کورد بە ناوی "وەهبی فەتاحی"، خەڵکی گوندی "وەزلی" سەر بە نەوسوود، بەهۆی ڕاوەستان دڵ لە بەرزاییەکانی سنووری شۆشمێ، گیانی لەدەست داوە.
حەیدەر قوربانی، چالاکی کرێکاریی خەڵکی شاری کامیاران لەلایەن لقی ٢ی دادگای ئینقلابی شاری شەهریار، بە ١١ ساڵ زیندانی مەحکووم کرا.
ڕۆژی پێنجشەممە ١٣ی جۆزەردان، تەحسین دادڕەس، زیندانیی سیایی کورد خەڵکی گوندی "سەردۆش" سەر بە مەریوان لە زیندانی ئەو شارە ئازاد کرا.
ڕۆژی چوارشەممە ١٢ی جۆزەردان، "جەواد یوسفی"، زیندانیی سوننە مەزهەب، لە زیندانی ناوەندیی ورمێ هاتە مەرەخەسی.
"ڤیان محەممەدی"، چالاکی مەدەنی و خوێندکاری بواری بەڕێوەبەریی بازرگانی (مودیرییەتی بازرگانی) و خەڵکی مەریوان، لە گرتنگەی ئیتلاعاتی سپا لە ورمێ، ڕەوانەی زیندانی ئەو شارە کرا.
ڕۆژی چوارشەممە ١٢ی جۆزرەدان، هاووڵاتییەکی کورد بە ناوی "ڕەحمان خانئەحمەدی"، خەڵکی ورمێ، بە دانانی بارمتە لە زیندانی ئەو شارە ئازاد کرا.
ڕۆژی سێشەممە ۱۱ی جۆزەردان، زینداییەک بە ناوی "ناسر کەریمی"، کوڕی قادر و خەڵکی گوندی "نۆبار" سەر بە بۆکان، پاش ڕاگواستنی بۆ زیندانی ئەو شارە گیانی لەدەست دا.
شەوی سێشەممە ۱۱ی جۆزەردان، هاووڵاتییەکی کورد بە ناوی "حوسێن فەرەجی"، تەمەن ٦۳ ساڵ، کوڕی کەریم و خەڵکی شارە "ئارمەردە" سەر بە بانە، بەهۆی تەقەی هێزە نیزامییەکانی حکوومەتییەوە گیانی لەدەست داوە.
شەوی سێشەممە ١١ی جۆزەردان، فەرزاد سامانی و ساکار عەینی، لە دەسبەسەرکراوانی بەفرانباری ٩٩، پاش نزیک ٥ مانگ لە دەسبەسەرکرانیان لە گرتنگەی ئیتلاعاتی سپا لە ورمێ، ڕەوانەی زیندانی ناوەندیی ئەو شارە کران.
ئاژانسی هەواڵدەریی کوردپا
