ڕۆژی پێنجشەممە ٢٠ی خەزەڵوەر، سێ هاووڵاتیی کورد بە ناوەکانی "ئەیووب مینایی، جەماڵ عەزیزی و سامان خوسرەوی" خەڵکی گوندی "پیرەومەرانـ"ـی سەقز، بانگهێشتی ئیدارەی ئیتلاعاتی سەقز کران.
لە درێژەی دەسبەسەرکرانەکان لە شارەدێی "نێـ"ـی مەریوان، هاووڵاتییەکی تر بە ناوی "عەبدولڕەحمان ئەشتەک" لەلایەن هێزە ئەمنییەتییەکانی حکوومەتەوە دەسبەسەر کرا.
سەرلەبەیانیی ئەمڕۆ شەممە ڕێکەوتی ٢٢ی خەزەڵوەر، هێزەکانی حکوومەتی ئێران پێنج هاووڵاتیی کوردیان لە شارەدێی "نێـ"ـی مەریوان دەسبەسەر کرد.
لە درێژەی دەسبەسەرکرانی هاووڵاتییان لە شاری بانە، ڕۆژی هەینی ٢١ی خەزەڵوەر، هاووڵاتییەکی دیکەی کورد بە ناوی "عەلی" خەڵکی گوندی "چۆمان" لەلایەن هێزە ئەمنییەتییەکانەوە دەسبەسەر کرا.
ئەفشین حوسێن‌پەناهی چالاکی مەدەنی، بانگهێشتی لقی دووی لێپرسی دادسەرای گشتی و ئینقلابی شاری سنە کرا.
ڕۆژی پێنجشەممە ٢٠ی خەزەڵوەر، ١٥ هاووڵاتیی کورد بەبێ بەڵگەی یاسایی لەلایەن هێزە ئەمنییەتییەکانەوە لە شاری بانە دەسبەسەر کران و بۆ شوێنێکی نادیار ڕاگوێزران.
ڕۆژی پێنجشەممە ٢٠ی خەزەڵوەر، عومەر شەریفی بۆکانی زیندانیی سیاسیی پێشووی خەڵکی شاری بۆکان و دانیشتووی شاری تاران، لەلایەن هێزە ئەمنییەتییەکانەوە دەسبەسەر کرا.
ئەمڕۆ پێنجشەممە ٢٠ی خەزەڵوەر، "ئیرەج عەبادی" ڕۆژنامەنووس، شاعیر و نووسەری کورد لە گرتنگەی ئیدارەی ئیتلاعاتی سنە ئازاد کرا.
ڕۆژی دووشەممە ١٧ی خەزەڵوەر، هاووڵاتییەکی خەڵکی پیرانشار بە ناوی "سۆعدا خەدیرزادە" کچی "ڕەحیم"، لە گرتنگەی ئیتلاعاتی سپای پاسداران بۆ زیندانی ناوەندیی ئەو شارە ڕاگوێزرا.
ڕۆژی دووشەممە ١٧ی خەزەڵوەر، هاووڵاتییەکی کورد بە ناوی "ئەنوەر ڕەسووڵی" کوڕی "ڕەسووڵ" و تەمەن ٤٥ ساڵ، خەڵکی گوندی "ئەولەسەنـ"ـی بانە، بە دانانی بارمتە لە یەکێک لە گرتنگە ئەمنییەتییەکانی ئەو شارە ئازاد کرا.
ئاژانسی هەواڵدەریی کوردپا
