لە ماوەی ڕۆژانی ڕابردوودا، چالاکێکی ژینگەیی بە ناوی "ڕۆیا جەلالی"، خەڵکی سنە، لەلایەن لقی ١ی دادگای ئینقلابی ئەو شارەوە، بە سەرۆکایەتی دادوەر "سەعیدی"، بە ٢ ساڵ زیندانی هەڵپەسێردراو مەحکووم کرا.
ڕۆژی شەممە ١ی خەزەڵوەر، مریەم سادقی، چالاکی مافی ژنان و ئەندامی کومیتەی هاوئاهەنگی بۆ یارمەتیدان لە ڕاستای دروستکردنی دامەزراوە کرێکارییەکان لە سنە، لەلایەن هێزە ئەمنییەتییەکانەوە دەسبەسەر کرا.
ڕۆژی شەممە ١ی خەزەڵوەر، هاووڵاتییەکی کورد بە ناوی "عەتا (شەماڵ) ڕەحمانزادە" خەڵکی سەقز، بۆ جێبەجێکردنی حوکمەکەی ڕەوانەی زیندانی ئەو شارە کرا.
ڕۆژی پێنجشەممە ۲۹ی ڕەزبەر، عوسمان ئیسماعیلی، چالاکی کرێکاری، خەڵکی سەقز، پاش ڕوونکردنەوەی تۆمەتەکەی لە لقی ۲ی لێپرسی ئەو شارە، ڕەوانەی یەکێک لە گرتنگە ئەمنییەتییەکان لە سنە کرا.
لە ماوەی ڕۆژانی ڕابردوودا، هاووڵاتییەک بە ناوی "دیاکۆ لوتفی"، کوڕی کەریم و خەڵکی بۆکان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بەیانیی ئەمڕۆ پێنجشەممە ٢٩ی ڕەزبەر، تەقینەوەی مین لە یەکێک لە پایگا چۆڵکراوەکانی گوندی "جانداران" سەر بە مەهاباد، برینداربوونی لاقی هاووڵاتییەک بە ناوی "زانیار عەبدوڵڵاهی" لێ کەوتەوە.
ئەمڕۆ چوارشەممە ۲٨ی ڕەزبەر، عوسمان ئیسماعیلی، چالاکی کرێکاری و خەڵکی سەقز، لەلایەن هێزە ئەمنییەتییکانەوە لەبەردەم ماڵەکەیدا دەسبەسەر کرا.
ڕۆژی سێشەممە ۲۷ی ڕەزبەر، دوو هاووڵاتیی خەڵکی بانە، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کران.
ڕۆژی سێشەممە ٢٧ی ڕەزبەر، هاووڵاتییەکی کورد بە ناوی "کارۆ کەریمی"، خەڵکی سنە، بە دانانی بارمتە لە یەکێک لە گرتنگە ئەمنییەتییەکانی ورمێ، ئازاد کرا.
ڕۆژی سێشەممە ۲۷ی ڕەزبەر، هاووڵاتییەکی کورد بە ناوی "ئارام ئەحمەدی"، کوڕی والی و خەڵکی گوندی "زمکان" سەر بە شاری سەلاسی باوەجانی، بەهۆی تەقینەوەی مین لە شاری بێستوون، لاقی بریندار بوو.
ئاژانسی هەواڵدەریی کوردپا
