ئاژانسی هەواڵدەریی کوردپا
کوردستان
زیندانی کامیاران؛ ڕاشد مونتەزێری بە شێوەی مەرجدار ئازاد کرا
ڕۆژی شەممە ١٥ی خەزەڵوەر، "ڕاشد مونتەزێری" زیندانیی سیاسیی کوردی خەڵکی کامیاران، بە شێوەی مەرجدار لە زیندانی ئەو شارە ئازاد کرا.
مافی مرۆڤ
کوردستان
شاردنەوەی ڕاستییەکان و ڕەتکردنی کوژرانی زیندانییەک لە زیندانی سنە، لەلایەن دادستان و ناوەندە حکوومەتییەکان
دادستان و پەیوەندییە گشتییەکانی زیندانی سنە، کوژرانی زیندانییەک بە ناوی "خەسرەو جەماڵیفەر" خەڵکی شاری سنە، لەلایەن مەئموورانی زیندانی ئەو شارەیان ڕەت کردەوە.
کوردستان
بەرپرسانی کاناڵی تێلێگرامی لە بانە بانگهێشت و هەڕەشەیان لێ کرا
ئیدارەی ئیتلاعاتی بانە، بەرپرسانی کاناڵی تێلێگرامیی ئەو شارەی پاش بڵاوکردنەوەی هەواڵی کوژرانی "محەممەد خودایی کانیسێف"، کۆڵبەری خەڵکی گوندی "کانیسێف" لە ئەنجامی تەقەی هێزە نیزامییەکانی حکوومەتی، بانگهێشت و هەڕەشەیانی لێ کردووە.
کوردستان
سینا مینایی بۆ یەکێک لە گرتنگە ئەمنییەتییەکان لە ورمێ ڕاگوێزرا
لاوێکی کورد بە ناوی "سینا (کەریم) مینایی"، تەمەن ١٨ ساڵ، کوڕی مستەفا و خەڵکی گوندی "سەوجە"ی شنۆ، پاش دەسبەسەرکرانی بۆ لێپرسینەوە ڕەوانەی یەکێک لە گرتنگە ئەمنییەتییەکان لە ورمێ کراوە.
کوردستان
سنووری بانە؛ کۆڵبەرێک لە ئەنجامی تەقەی هێزە نیزامییەکانی حکوومەتی گیانی لەدەست دا
ڕۆژی پێنجشەممە ١٣ی خەزەڵوەر، کۆڵبەرێکی کورد بە ناوی "محەممەد خودایی کانیسێف"، لە ئەنجامی تەقەی هێزە نیزامییەکانی حکوومەتی لە سنووری "سارداو"ی بانە، گیانی لەدەست دا.
کوردستان
هاووڵاتییەکی کورد لە زیندانی ڕەجاییشاری کەرەج لەسێدارە درا
ڕۆژی چوارشەممە ١٢ی خەزەڵوەر، حوکمی ئێعدامی هاووڵاتییەکی کورد بە ناوی "مەنووچێهر (شەهاب) کازمی وەرملە"، تەمەن ٣٣ ساڵ و کوڕی جەعفەر، لە زیندانی ڕەجاییشاری کەرەج، جێبەجێ کرا.
کوردستان
زیندانی ورمێ؛ فاتمە دادوەند بە شێوەی مەرجدار ئازاد کرا
ڕۆژی سێشەممە ١١ی خەزەڵوەر، "فاتمە دادوەند"، هاووڵاتیی کوردی خەڵکی بۆکان کە لە ڕەوتی خۆپیشاندانەکانی خەزەڵوەری ٩٨ دەسبەسەر کرابوو و حوکمی زیندانی بەسەردا سەپابوو، بە شێوەی مەرجدار لە زیندانی ناوەندیی ورمێ ئازاد کرا.
کوردستان
مەشهەد؛ چالاکێکی فەرهەنگیی کورد ١٠ ساڵ زیندانی بەسەردا سەپا
مەحموود نیروومەند، تەمەن ٣٦ ساڵ و چالاکی فەرهەنگیی کورد، لەلایەن دادگای ئینقلابی مەشهەد، ١٠ ساڵ زیندانی بەسەردا سەپا.
کوردستان
هاووڵاتییەک بەهۆی تەقینەوەی مین لە سەردەشت بریندار بوو
ڕۆژی چوارشەممە ١٢ی خەزەڵوەر، هاووڵاتییەکی کورد بە ناوی "هێمن ئیبراهیمی"، خەڵکی گوندی "شەڵماش"، سەر بە سەردەشت، بەهۆی تەقینەوەی مین بە توندی بریندار بوو.
کوردستان
پیرانشار؛ هاووڵاتییەک لەلایەن هێزە ئەمنییەتییەکانەوە دەسبەسەر کرا
ڕۆژی سێشەممە ١١ی خەزەڵوەر، هاووڵاتییەکی کورد بە ناوی "ئەنوەر شێخە"، تەمەن ٤٥ ساڵ، کوڕی عەبدوڵڵا و خەڵکی گوندی "پەسوێ" سەر بە پیرانشار، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کرا.