زەینەب جەلالیان ژنە زیندانیی سیاسیی کوردی خەڵكی شاری ماکۆ، لە زیندانی دیزڵ ئابادی کرماشانەوە گوازراوەتەوە بۆ زیندانی شاری خۆی، ئەوەش لە کاتێکدایە کە ئەو زیندانە بەندی زیندانیانی سیاسیی تێدا نییە.
حەفتەی کۆتایی مانگی بەفرانباری ١٣٩٣ی هەتاوی
والی دروودی زیندانیی سیاسیی کوردی خەڵکی ناوچەی کامیاران، کە بەدانانی بارمتە مەرەخەسیی پێدرابوو، گەڕایەوە بۆ زیندانی یەزد.
حوکمی لەسێدارە درانی دو وهاوولاتیی کورد لەلایەن دەزگای قەزایی حکوموەتی ئیسلامیی ئێرانەوە لە شارەکانی ورمێ و ئیسفەهان جێبەجێ کرا.
زیندانییەکی سیاسیی کوردی خەڵکی کرماشان، بەهۆی ئەشکەنجەی هێزە ئیتلاعاتییەکانی حکوومەتی ئیسلامییەوە سکی هەڵدڕاوە.
سەرەرای فشاری ناوەندە ئەمنییەکانی حکوومەتی ئیسلامیی ئیران بۆ سەر مامۆستایان و چالاکانی سینفیی پەورەردە و فێرکردن لە شاری سەقز، مامۆستایانی کوردی ئەو شارە لە چوونە سەر پۆلەکانی وانە وتنەوە خۆیان بوارد.
ناوەندە ئەمنییەکانی حکوومەتی ئیسلامیی ئێران، لە دوو شاری کوردستانی ئێراندا لانیکەم ١٧ هاووڵاتییان دەستبەسەر و رەوانەی شوێنی نادیار کردووە.
کۆڵبەرێکی کوردی خەڵکی ناوچەی باینگان لە ئوستانی کرماشان، کە لەسەر سنوور سەرقاڵی کۆڵبەری بوو، لە ئاودا خنکا.
ژمارەیەكی بەچاو لە كرێكارانی شاری سەقز سەبارەت بە بارودۆخی خانەنشینی لەو شارە ناڕەزایەتیان دەبڕی.
چالاکێکی ژینگەپارێزیی کوردی خەڵکی شاری مەهاباد، کە لەلایەن حیفازەت ئیتلاعاتی سوپای پاسدارانی مەهابادەوە دەستەبسەر کرابوو، پاش ٢ مانگ دەستبەسەری، بە بێ‌تاوان ناسرا.
ئاژانسی هەواڵدەریی کوردپا
