کۆنیی قوتابخانەکان، گیانی ٥/٤ میلیۆن قوتابیی خستۆتە مەترسییەوە
15:55 - 16 خەرمانان 2716
ئاژانسی کوردپا: لە بەرەبەری کرانەوەی قوتابخانەکان لە ئێران، ڕۆژنامەی \"آرمان\" ڕاپۆرتێکی لەسەر دۆخی شپرزەی قوتابخانەکان و پێویستیی نۆژەن کردنەوەیان بڵاو کردۆتەوە.
بەپێی ئەم ڕاپۆرتەی ڕۆژنامەی \"آرمان\"، قوتابخانەکانی ئێران زۆر کۆن بوون و چوارچێوەی بیناکانی، مەترسیی گیانی بۆ لانیکەم ٥/٤ میلیۆن قوتابی هەیە و پێویستییان بە نۆژەن کردنەوەی بەپەلە هەیە.
لە بەشێک لەم ڕاپۆرتەدا، لە زاری کارناسێکی وەزارەتی \"پەروەردە و بارهێنان\" بەناوی محەممەدڕەزا نیک‌نژادەوە هاتووە: ٣٠%ی قوتابخانەکانی ئێران لەحاڵی لەنێوچووندان و بەپێی ئامارەکان ٣٢ هەزار قوتابخانە لە ئێراندا کەڵکیان نەماوە و مەترسیی گیانی بۆ سەر لانیکەم ٤ میلیۆن و ٥٠٠ هەزار قوتابی و ٣٠٠ هەزار کادری ئامووزشی هەیە.
بەپێی لێدوانی ئەم کارناسە، دۆخی هەندێک لەم قوتابخانەگەلە ئەوەندە خراپە کە ئەگەری هەیە بەسەر قوتابییەکاندا بڕووخێ و بۆ نۆژەن کردنەوەی هەر کامەیان لانیکەم ٣ میلیارد تمەن بودجە پێویستە؛ بەم پێیەش ٥٠ ساڵ کات پێویستە تاکوو هەموویان نۆژەن بکرێنەوە.
پرسی ئاماژەبۆکراو، مەسەلەیەکی نوێ نییە، و لە ساڵانی ڕابردوودا بەردەوام هەواڵی ڕووخان و سووتانی قوتابخانەکان و زەرەرمەندبوونی قوتابیان لە ئێران بڵاو بۆتەوە، کە بەرچاوترینیان کارەساتی شیناوێی پیرانشارە کە بەهۆی تەقینی کورەی نەوتی، زیاتر لە ٣٠ قوتابی بێتاوان بوونە قوربانی.
بەپێی ئەم ڕاپۆرتەی ڕۆژنامەی \"آرمان\"، قوتابخانەکانی ئێران زۆر کۆن بوون و چوارچێوەی بیناکانی، مەترسیی گیانی بۆ لانیکەم ٥/٤ میلیۆن قوتابی هەیە و پێویستییان بە نۆژەن کردنەوەی بەپەلە هەیە.
لە بەشێک لەم ڕاپۆرتەدا، لە زاری کارناسێکی وەزارەتی \"پەروەردە و بارهێنان\" بەناوی محەممەدڕەزا نیک‌نژادەوە هاتووە: ٣٠%ی قوتابخانەکانی ئێران لەحاڵی لەنێوچووندان و بەپێی ئامارەکان ٣٢ هەزار قوتابخانە لە ئێراندا کەڵکیان نەماوە و مەترسیی گیانی بۆ سەر لانیکەم ٤ میلیۆن و ٥٠٠ هەزار قوتابی و ٣٠٠ هەزار کادری ئامووزشی هەیە.
بەپێی لێدوانی ئەم کارناسە، دۆخی هەندێک لەم قوتابخانەگەلە ئەوەندە خراپە کە ئەگەری هەیە بەسەر قوتابییەکاندا بڕووخێ و بۆ نۆژەن کردنەوەی هەر کامەیان لانیکەم ٣ میلیارد تمەن بودجە پێویستە؛ بەم پێیەش ٥٠ ساڵ کات پێویستە تاکوو هەموویان نۆژەن بکرێنەوە.
پرسی ئاماژەبۆکراو، مەسەلەیەکی نوێ نییە، و لە ساڵانی ڕابردوودا بەردەوام هەواڵی ڕووخان و سووتانی قوتابخانەکان و زەرەرمەندبوونی قوتابیان لە ئێران بڵاو بۆتەوە، کە بەرچاوترینیان کارەساتی شیناوێی پیرانشارە کە بەهۆی تەقینی کورەی نەوتی، زیاتر لە ٣٠ قوتابی بێتاوان بوونە قوربانی.
