کرێکارانی شیرکەتی "پوویان غەرب" ٦ مانگە مووچەیان پێنەدراوە

ئاژانسی کوردپا: بەرپرسانی شیرکەتی “پوویان غەرب”ی کرماشان سەرەڕای دەرکردنی کرێکاران، ماوەی ٦ مانگە لە دانی مووچەی ١٥٠ کرێکاری ئەو شیرکەتە خۆ دەبوێرن.

بەپێی هەواڵی گەیشتوو بە ئاژانسی هەواڵدەریی کوردپا، ١٥٠ کرێکاری شیرکەتی بەرهەمهێنانی کابلی \"پوویان غەرب\" لە \"شهرک صنعتی\"ی کرماشان ماوەی ٦ مانگە مووچەیان پێنەدراوە.

سەرچاوەیەکی ئاگادار بە هەواڵنێری کوردپای راگەیاند: بەرپرسانی شیرکەتی \"پوویان غەرب\" لە ماوەی ٦ مانگی رابردوودا ٣٥٠ کرێکاری ئەو شیرکەتەیان لەسەر کار دەرکردووە.

ئەو سەرچاوەیە ئەوەشی خستەڕوو، بەرپرسانی ئەو شیرکەتە دەرکردن و نەدانی مووجەی کرێکاران تەنیا کەمیی بۆدجە راگەیاندووە.