كولتوور و ئایینی كورد و ئایینی ئیسلام

كولتوور و ئایینی كورد و ئایینی ئیسلام
عینایەت دەشتی
سەرەتا لە فەرهەنگ و کولتووری کوردەوە بەرەو ئایینی ئیسلام و چۆنیەتیی زاڵ بوونی ئایینی ئیسلام بەسەر ئایینی رەسەنی نەتەوەی کورددا.

مێژووی گەلی کورد بۆ هەموو نەتەوەیەکی سەر گۆی زەوی روون و ئاشکرایە و نامۆ نیە، گەلی کورد خاوەنی مێژوویەکی دەوڵەمەندە لە بواری فەرهەنگ و كولتوورو ئایینەوە کە پێشینەكەی دەگەڕێتەوە بۆ زیاتر لە، ٤٠٠٠ هەزار ساڵ لەمەوپێشە ئەگەر چاوێک بەسەر مێژووی کتێبی ئایینیی نەتەوەی کورد واتە کتێبی(ئاڤێستا) کە نوسیسنی زەردەشتی پێغەمبەری ئێرانی و كورددا بخشێنین، زیاتر بۆمان روون دەبێتەوە کە چ جیاوازییەکی لەگەڵ ئایینی ناڕەوا كە بەسەرماندا سەپاوە هەیە.

ئایینی پیرۆزی زەردەشت باس لە ڕێز گرتن لە، رووناکی، ئاو، ئاگر و سروشت و خۆشەویستی و تەبایی و ناز نیعمەتەکانی ئەم دونیایە دەکات کە بۆ مرۆڤ پێکهاتووە و چۆن کەڵکی لێوەر بگرێت و هەروەها ئاگری بە سیمبۆلێک داناوە کە رێزی لێ بگیرێت.

هەڵسەنگاندن و بۆچوونی ئایینی ئیسلام لەم بوارەدا، ئایینی ئیسلام باس لە شەڕ و کوشت و کوشتار و بەرزەخ و تۆقاندنی مرۆڤ و دونیایەکی دیکە دەکات، لەم بوارەدا ئەگەر خودا مرۆڤی پێکهێنا بێت و خاوەنی مرۆڤ بێت و مرۆڤ خۆشەویستی خودا بێت هیچکات حەز بە ئازار و نیگەرانی و ناخۆشیەکانیان ناکات و بۆ ئەوە مرۆڤی دروست نەکردوە کە بە خوێنی یەکدی تینوو بن.

پێم خۆشە ئاماژە بە نموونەیەک لە کتێبی ئایینی ئیسلام بکەم ،ئەویش ئەوەیە کەلە سورەی مائیدە ئایەی ٣٣دا هاتووە و ......
کەواتە بۆمان روون دەبێتەوە کە کتێبی ئایینی نووسینی مرۆڤە نەک خودای مرۆڤ.

لێرەدا دەمەوێت ئاماژە بە خاڵێکی گرینگ بکەم کە دەگەڕێتەوە بۆ دیانەتی یەهوود کەلە کتێبی ئایینی بە ناوی(زەبوور) و ئێستاش بە ناوی (تەورات)ناوی لێ دەبەن و لە هەموو بوارێکدا کەڵکی لێ وەردەگرن و ئایینێکی پیرۆزە.

ئەم دیانەتە تاڕادەیەک لەگەڵ دیانەتی (زەردەشت)دا یەک دەگرنەوە و دەلالەت لەوە دەکات کە نەتەوەی کورد و نەتەوەی یەهوود لە بواری مێژوییدا یەک دەگرنەوە.

ئێستا دەگەڕێمەوە بۆ زاڵبوون و سەپاندنی دیانەتی ئیسلام کە زیاتر لە هەژدە سەدە لەمەوپێش بە سەرماندا سەپاوە، گەلی کورد بە هیچ شێوەیەک ئامادە نەبووە ئایینی ئیسلام قەبووڵ بکات و لە جێگای ئایینی پیرۆزی (زەردەشت) دای بنێت، هەر بەو هۆیەشەوە شاخەکانی کوردستانی هەڵبژارد بۆ بەرەنگاری کردن لە فەرهەنگ و ئایینە پیرۆزەکەی خۆی، لە کۆتاییدا کە زۆربەیمەزهەب، ئایین و ئایین زاكانی رۆژهەڵاتی نێوەڕاست کەوتنە ژێر رکێفی ئایینی ئیسلام وە بە تایبەتی نەتەوە و گەلانی دراوسێی کوردوستان واتە، ئێران، عێراق، تورکیە، سووریە، لەو کاتەدا کورد توانایی بەرگری کردنی لاواز بووە و سەرەنجام ئایینی ئیسلام جێگای ئایینی پیرۆزی (زەردەشت)ی گرتەوە و كێشەیەكی گەورەی ئایینی و مێژوویی بۆ نەتەوەی کورد و دوایەمین نەتەوە بوو کە بە زەبری شمشێر دیانەتی ئیسلامی بە سەردا سەپا.

هەموومان باش ئەو راستیە دەزانین کە ئایینی ئیسلام دوایەمین ئایینە کە بە زمانی عەرەبی بۆ نەتەوەی عەرەب هاتووە.

خەسارەکانی ئایینی ئیسلام بۆ نەتەوەی کورد.
دابەش بوونی نەتەوەی کورد، لاواز بوونی فەرهەنگ و كولتووری کورد، لاواز بوونی ئایینی پیرۆزی کورد، لاواز بوونی دەسەڵاتی کورد، زاڵ بوونی چەند وڵاتی ئیسلامی بە سەر خاکی کوردستاندا و داگیر کردنی خاکی کوردوستان.