زیندانییەک لە زیندانی سەڵماس لەسێدارە درا
12:08 - 1 پووشپەڕ 2721
بەیانیی ڕۆژی دووشەممە ٣١ی جۆزەردان، حوکمی ئێعدامی زیندانییەک بە ناوی "حەبیب ڕەزایی"، خەڵکی سەڵماس، لە زیندانی ئەو شارەدا جێبەجێ کراوە.
بە وتەی سەرچاوەیەکی ئاگادار، ئەو هاووڵاتییە ئازەرییە، ٣ ساڵ پێش ئێستا لە شەڕێکدا هاووڵاتییەکی کوشتبوو و پاشان بە تۆمەتی "کوشتنی بەئەنقەست"، لەلایەن دەزگای قەزاییەوە بە ئێعدام مەحکووم کرابوو.
حەبیب ڕەزایی گۆڵپارێزی یانەی تۆپی پێی سەڵماس بووە.
هەتا ئێستا، هەواڵی ئێعدامی ئەو هاووڵاتییە لەلایەن سەرچاوە قەزایی و میدیا نێوخۆییەکانی ئێرانەوە ڕانەگەیەندراوە.
