به‌ده‌نه‌ی حیزب بێ هه‌ڵوێست نابێ

حەمە عەلی عینایەتی

ماوه‌ی چه‌ند ساڵێکه ‌و به‌تایبه‌ت له‌م دوایانه‌دا ڕێبه‌رانی حیزبیمان ده‌ستیان داوه‌ته‌قه‌ڵه‌م و خۆیان به‌کتێب نووسین و وه‌ڵام دانه‌وه‌سه‌رقاڵ کردووه‌. ده‌ستیان خۆش بێ، کارێکی به‌جێ و پیرۆز ده‌که‌ن، به‌ڵام کاره‌که‌یان تا ئه‌و جێگایه‌ باشه‌که‌ڕابردووی پڕ له‌شانازی حیزب و خوێنی شه‌هیدان و که‌رامه‌تی هاوڕیانی ماندوویی نه‌ناسی ناو حیزب خه‌وشدار نه‌که‌ن. له‌م ماوه‌یه‌دا من به‌ده‌یان ئه‌ندامی حیزبم بینیوه‌که‌له‌سه‌ر ئه‌م وه‌زعه‌که‌به‌شێک له‌ ڕێبه‌رانمان پێکیان هێناوه‌، به‌ته‌واوی ناڕازی ونیگه‌رانن. ئه‌وه‌له‌کاتێک دایه‌که‌هه‌تا ئێستا له‌م حیزبه‌دا به‌خۆشیه‌وه‌یان به‌داخه‌وه‌هه‌ر ئه‌م هاوڕێیانه‌مان هه‌یه‌که‌سه‌رکردایه‌تی حیزب بکه‌ن. ئه‌م ڕێبه‌رانه‌بۆ خۆیان وه‌زعێکیان پێک هێناوه‌که‌له‌نێو گۆڤار و ڕۆژنامه ‌و تلەویزیون، که‌سانێک ڕه‌خنه‌ی توندیان لێ بگرن، که تفێکی تاڵیان له‌و ڕژیمه‌ نه‌کردووه ‌وته‌نانه‌ت بۆخۆشیش بێ فیشه‌کێکیان به‌ره‌ولای رژیمی کۆماری ئیسلامی ئێران نه‌ته‌قاندووه.
‌
من به‌باشی ده‌زانم به‌ده‌نه‌ی حیزب به‌هه‌موو لایه‌که‌وه‌وه‌ده‌نگ بێن، به‌بێ گومان جگه‌له‌و که‌سانه‌ی که‌حه‌ز به‌یه‌ک گرتنه‌وه‌ناکه‌ن و چاره‌نووسی حیزب و جووڵانه‌وه‌به‌کورسی و مه‌قام دەگۆڕنه‌وه‌، باقییه‌که‌یان نارازین له‌و وه‌زعه‌ی که‌پێکهاتووه‌. باشتره‌وه‌ده‌نگ بین و ئیفتخاراتی مێژوویی و ره‌سه‌نایه‌تی حیزبه‌که‌مان بگێڕینه‌وه‌سه‌ر جێگای خۆی، وه‌ک کۆنترین حیزبی مودێڕنی ناوچه‌که‌له‌پێناو ئامانج و ئاره‌زووی گه‌لی تامه‌زرۆی ئازادی کورددا جارێکی دیکه‌ده‌ست به‌تێکۆشان بکه‌ینه‌وه‌. من بۆ خۆم که له‌ناو حیزبی دێمۆکرات دا ته‌مه‌نێکم بردووه‌ته‌سه‌ر حه‌ق به‌خۆم ئه‌ده‌م ڕه‌خنه‌کانم به‌کورتی و ڕاشکاوانه‌بخه‌مه‌به‌ر باس.  به‌داخه‌وه‌نه‌متوانیوه‌تا ئێستا کتێبه‌کانی مامۆستا عەبدوڵڵا حسن زاده‌و کاک مسته‌فا هیجری بخوێنمه‌وه‌، به‌ڵام به‌شێکی زۆر له‌وه‌ڵام دانه‌وه‌ی مامۆستاو ته‌واوی وه‌ڵامه‌که‌ی کاک جه‌لیل  گادانیم خوه‌ندوه‌ته‌وه‌.

له‌سه‌ر کتێبی کاک مسته‌فا خه‌ڵک ڕه‌خنه‌له‌وشه‌ی \"سه‌رشۆڕی\" ده‌گرن. من لە سەر خودی کتێبەکە قسە ناکەم. من پێم  وایه‌ته‌نانه‌ت ئه‌گه‌ر زۆربه‌ی ئه‌ندامانی ڕێبه‌ری حیزبی  دێمۆکراتی کوردستانی ئێران مه‌وافقی نه‌زه‌ری کاک مسته‌فا بن، ئه‌وه کتێبه‌نابێته‌نه‌زه‌ری حیزبه‌که‌مان.  ئه‌وه‌ڕاو بوچوونی کاک مسته‌فا هیجری خۆیه‌تی. به‌ڵام منیش پێم وایه‌وشه‌ی \"سه‌رشۆڕی\" به‌جێ نیه‌، چوونکه‌ئه‌و هاوڕێیانه‌مان له‌خه‌بات دان، نه‌چوونه‌ته‌پاڵ دوژمن تا ئه‌و وشه‌یه‌گونجاوبێ ، و هەروەها ئەوان هاوسەنگەرمان بوون و هیوادارم بە بیری حەکیمانەی هەمووتان دیسانەکە لە ژیر سێبەری یەک حیزب دا خۆمان ببینینەوە.

له‌وه‌ڵام دانه‌وه‌که‌ی مامۆستا عەبدوڵڵا حسن زاده‌دا بۆم ده‌رکه‌وت که‌دووباره‌فرسه‌تی گیرهێناوه‌بۆ ئه‌وه‌ی تاوانی جێابوونه‌وه‌بخاته‌پاڵ لایه‌نی بەرابەر. من ده‌ڵێم خۆزگه‌حیزبت به‌جێ نه‌ده‌هێشت و به‌قه‌وڵی خۆت نه‌ت ده‌کرد به‌دوو له‌ت و هه‌ر برا گه‌وره‌مان ده‌مایته‌وه. ‌

ئه‌وه‌ی زۆر جێگای داخ بوو بۆ من وه‌ڵام دانه‌وه‌که‌ی برای به‌ڕێزمان کاک جه‌لیل گادانی بوو. خۆزگه‌ئه‌م برایه‌مان کارێکی ده‌کرد ڕێزی خۆی بپاراستبا. کاک جه‌لیل حیزبی دێمۆکرات و ڕێبه‌رانی کۆن و نوێی کردوه‌به‌په‌ڕۆە کۆنە. نازانم به‌و حاڵه‌وه‌چۆن باس له‌یه‌ک گرتنه‌وه‌ده‌کات؟ وابزانم ره‌فێقه‌کانی نیزیک به‌خۆیشی له‌و وه‌ڵام دانه‌وه‌یه‌بێزاربن. کاک جه‌لیل به‌ئیفتخاره‌وه‌ حیزب ده‌کوتێ و به‌به‌ژن و باڵای موجاهیدین دا هه‌ڵ ده‌ڵێ.

ماوه‌یه‌ک له‌مه‌و پێش یه‌کێک له‌ڕێبه‌رانی یه‌کێتی نیشتمانی گوتی خۆزگه‌گه‌لی کورد چوار که‌سی وه‌ک قاسم سلێمانی تێدا دەبوو. ئه‌و کابرایه‌له‌حاڵێکدا ئه‌و قسه‌یه‌ی کرد که‌زیاتر له‌۱۶۰۰ ڕۆڵەی ‌قاره‌مان و نه‌به‌زی کورد له‌شه‌ڕ به‌دژی  داعش شه‌هید بوون. من ده‌ڵێم قه‌زاو به‌ڵای هه‌ر کام له‌بنه‌ماڵه‌ی سه‌ربه‌رزی ئه‌و شه‌هیدانه‌له‌هه‌زاران هه‌زارتێرۆریستی وه‌ک قاسم سلێمانی بکه‌وێ. چیتان له‌شونیستانی عه‌ره‌ب و فارس که‌متره‌. کاک جه‌لیل قه‌زای حیزبه‌له‌ت و په‌ته‌که‌ی من و جه‌نابیچت له‌و ڕێکخراوه‌بکه‌وێ که‌وه‌ک قه‌دیمی گوته‌نی بایی تورێک ئه‌رزشی بۆ گه‌له‌که‌ت دانانێ.

له‌کۆتایی دا به‌بێ پێچ و پەنا داوا له‌ئه‌ندامانی دڵسۆزی حیزبی دێمۆکرات ده‌که‌م، به‌هه‌ردووک لاوه‌ته‌نانه‌ت داوا له‌و ئه‌ندامه‌دڵسۆزانه‌ش ده‌که‌م که‌به‌ناڕه‌زایه‌تی له‌له‌تبوون ‌دانیشتوون و له‌هیچ لایه‌ک نین قۆڵی هیمه‌تی لێ هه‌ڵماڵن، هه‌ستنه‌وه‌به‌ره‌و یه‌کگرتن هه‌نگاو بنێن به‌یه‌کگرتن دڵی دۆستانی حیزبه‌که‌مان که‌خه‌ڵکی تامه‌زرۆی ئازادی کوردستان خۆش بکه‌ن. کورسی و مه‌قامی به‌ده‌نه‌ی حیزب یه‌کگرتن و یه‌کگرتووی و ڕزگاری حیزبه‌که‌مانه‌، له‌م که‌ند و کۆسپانه‌. له‌مێژوودا هیچ کات به‌ئه‌ندازه‌ی ئه‌م سه‌رده‌مه‌و ئه‌م ۳۰ ساڵه‌ی دوایی هه‌ل و مه‌رجی ر بۆ گه‌له‌که‌مان پێک نه‌هاتووه‌. ده‌ستکه‌وته‌کانی گه‌لی کورد ڕۆژ به‌ڕۆژ زیاتر ده‌بن، ئێمه‌یش له‌کوردستانی ئێران به‌یه‌کگرتووی ده‌توانین باشتر بۆئامانجه‌کانمان تێ بکۆشین. ده‌با یه‌ک بین، ئه‌وه‌یه‌وه‌ڵامی \"نا\" بۆ کورسی په‌رستان.

ئەم بابەتە روانگەی نووسەرەکەیەتی وئاژانسی کوردپا لێی بەرپرسیار نییە.