سەقز؛ بەردەوامیی دەسبەسەرکران و ناڕوونیی چارەنووسی بێهرووز فەیزی

ڕۆژی چوارشەممە ١٠ی ڕێبەندانی ١٤٠٣، بێهرووز فەیزی، هاووڵاتیی خەڵکی سەقز لەلایەن هێزە ئەمنیییەتییەکانەوە دەسبەسەر کرا.

بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەم هاووڵاتییەیان دەسبەسەر کردووە و دواتر ناوبراویان بە مەبەستی لێپرسینەوە بۆ گرتنگەی ئیتلاعاتی سنە ڕاگواستووە.

ئەم سەرچاوە ئاگادارە ڕایگەیاند: بێهرووز فەیزی تاکوو ئێستا لە دەسپێڕاگەیشتن بە پارێزەر و چاوپیکەوتن لەگەڵ بنەماڵەکەی بێبەری بووە.

ئەم سەرچاوە وتی: بەدواداچوونەکانی بنەماڵەی ئەم هاووڵاتییە کوردە بە مەبەستی ئاگاداربوونەوە لە چارەنووسی ناوبراو بێ ئاکام بووە.

تاکوو ئێستا سەبارەت بە هۆکاری دەسبەسەرکران و تۆمەتە وەپاڵدراوەکان دژی بێهرووز فەیزی زانیارییەکی ورد دەست نەکەوتووە.