دەسبەسەرکرانی ئەنوەر کورد لەلایەن هێزە ئەمنییەتییەکانەوە لە بۆکان

شەوی پێنجشەممە ١١ی ڕێبەندان، هاووڵاتییەکی کورد بە ناوی "ئەنوەر کورد" خەڵکی گوندی "حەسار بڵاغی" سەر بە شاری بۆکان لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.

بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی هێرشیان کردووەتە سەر ماڵی ئەم هاووڵاتییە کوردە و ناوبراویان دەسبەسەر کردووە.

ئەنوەر کورد کوڕی حەسەن، تەمەنی ٢٧ ساڵە و خێزاندارە.

هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم هاووڵاتییە زانیارییەک دەست نەکەوتووە.