بەندیخانەی نەغەدە؛ ئەیووب دەماوەندی بە بەندکران سزا درا
ئەیووب دەماوەندی، هاووڵاتیی خەڵکی پیرانشار لەلایەن لقی یەکی دادگای ئینقلابی مەهابادەوە بە سەرۆکایەتیی دادوەر "دووستی" بە پێنج ساڵ و ١٥ ڕۆژ بەندکرانی داسەپاو سزا درا.
بە وتەی سەرچاوەیەکی ئاگادار، دادگا ئەم هاووڵاتییەی بە "سیخوڕی بۆ ئیسرائیل" تۆمەتبار کردووە.
ئەم سەرچاوە ئاگادارە ڕایگەیاند: ئەیووب دەماوەندی سەبارەت بە سزای دەرکراو لەلایەن دادگای ئینقلابی مەهاباد، ناڕەزایەتیی دەربڕیوە.
ئەیووب دەماوەندی ڕۆژی ١١ی گەلاوێژی ١٤٠٣، بە بێ بەڵگەی یاسایی و بە هێرشی هێزە ئەمنییەتییەکانی سپا بۆ سەر ماڵەکەی دەسبەسەر کرا و پاش یەک مانگ لێپرسینەوە لە گرتنگەی ئیتلاعاتی ورمێوە بۆ بەندیخانەی نەغەدە ڕاگوێزرا.
ئەم هاووڵاتییە لە ماوەی دەسبەسەرکرانیدا لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری بووە.
ئەیووب دەماوەندی، کوڕی عەبدوڵڵا، خەڵکی گوندی "دێلزێ" سەر بە شاری پیرانشارە.
