دەسبەسەرکرانی لاوێکی کورد لەلایەن هێزە ئەمنییەتییەکانەوە لە سەلاسی باوەجانی

سەرلەبەیانیی ڕۆژی پێنجشەممە، ١١ی خەزەڵوەر، هاووڵاتییەکی کورد بە ناوی "شادمان محەممەدی"، خەڵکی سەلاسی باوەجانی سەر بە پارێزگای کرماشان، لەلایەن هێزە ئەمنییەتییەکانەوە دەسبەسەر کرا و بۆ شوینێکی نادیار ڕاگوێزرا.

بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی هێرشیان کردووەتە سەر ماڵی ئەم لاوە و دەسبەسەریان کردووە.

ئەم سەرچاوەیە ڕایگەیاند: شادمان محەممەدی بە هۆی چالاکی لە سۆشیاڵ میدیا، لەلایەن هیزە ئەمنییەتییەکانەوە دەسبەسەر کراوە.

شادمان محەممەدی، تەمەن ٢١، کوڕی محەممەد و حەیاتە.

تا کاتی بڵاوبوونەوەی ئەم هەواڵە، سەبارەت بە دۆخ و شوێنی ڕاگیرانی ئەم لاوە کوردە، زانیارییەک لەبەر دەستدا نییە.