بەردەوامیی دەسبەسەرکران و ناڕوونیی چارەنووسی نیما خالدیان
15:46 - 27 رەزبەر 2723
![](/content/upload/1/news-kurdpa/5745.jpg)
سەرەڕای تێپەڕبوونی ١٦ ڕۆژ لە دەسبەسەرکرانی نیما خالدیان، هاووڵاتیی خەڵکی قوروە، چارەنووسی ناوبراو ناڕوونە.
بە وتەی سەرچاوەیەکی ئاگادار، ئەم هاووڵاتییە بە مەبەستی لێپرسینەوە ڕەوانەی یەکێک لە گرتنگە ئەمنییەتییەکانی سنە کراوە و تاکوو ئێستا لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری بووە.
ڕۆژی سێشەممە، ١١ی ڕەزبەر، ئەم لاوە بە بێ بەڵگەی یاسایی لەلایەن هێزە ئەمنییەتییەکانەوە دەسبەسەر کرابوو.
تاکوو ئێستا لە هۆکاری دەسبەسەرکران و تۆمەتە وەپاڵدراوەکان دژی نیما خالدیان، زانیارییەک لەبەر دەستدا نییە.