هاووڵاتییەک لە شنۆ دەسبەسەر کرا

ڕۆژی یەکشەممە ٢٢ی خاکەلێوە، هاووڵاتییەکی کورد بە ناوی "سەلاح بەهرامییان"، خەڵکی گوندی "گوندەوێڵە" سەر بە شنۆ، لەلایەن هێزە ئەمنییەتییەکانەوە دەسبەسەر کرا.

هێزە ئەمنییەتییەکان، بەبێ بەڵگەی یاسایی ئەو هاووڵاتییەیان دەسبەسەر کردووە و ناوبراویان لە کاتی دەسبەسەریدا داوەتە بەر ئەشکەنجە و لێدان.

ئەو هاووڵاتییە کوردە، پاش دەسبەسەرکرانی بۆ شوێنێکی نادیار ڕاگوێزراوە و هەتا ئێستا بەدواداچوونەکانی بنەماڵەی سەلاح بەهرامییان بۆ ئاگاداربوون لە چارەنووسی ناوبراو، بێئاکام ماوەتەوە.

هەتا کاتی بڵاوبوونەوەی ئەم هەواڵە، لە هۆکاری دەسبەسەری و تۆمەتە وەپاڵدراوەکانی دژی ئەو هاوڵاتییە، زانیارییەکی ورد لە بەردەستدا نییە.