ئاژانسی کوردپا: دادگای ئینقلابی شاری پاوە، بۆ دوو کاسبکاری کورد، حوکمی دەسبەسەرکردنی بۆیان دەرکرد.

بەپێی هەواڵی گەیشتوو بە ئاژانسی هەواڵدەریی کوردپا، دوو کاسبکاری کورد، بە ناوەکانی "مەسعوود کوڕی ڕەحمەت و فەرزاد وەیسی" لەگەڵ حوکمی دەسبەسەرکردن لە لایەن دادگای شاری پاوە بەرەوڕوو بوونەوە.

ئەو دوو هاووڵاتییە کوردە، ئێوارەی یەکشەممە ١ی خەرمانان لە کاتی کاردا دەکەنەوە بۆسەی هێزە نیزامییەکانی حکوومەتی و هێزە نیزامییەکان پاش تەقەکردن لەو دوو کاسبکارە کوردە، شتومەکەکانیشیانیان زەوت کردووە.

دادگای ئینقلابی شاری پاوە، بە تۆمەتی "هەڵگرتنی شتومەکی قاچاخ"، حوکمی دەسبەسەرکردنی ئەو دوو هاووڵاتییە کوردەی دەرکردبوو.