ئاژانسی هەواڵدەریی کوردپا
كوردپا: "قرە كلیسا" یەكێك لە ئاسەوارە مێژووییەكانی پارێزگای ورمێ، وەكوو میراتێكی بەنرخ لە یوونسكۆ تۆمار كرا.
كلیسای تاتاوس ( قرە كلیسا) لە دەشتی چالدوران وەكوو نۆیەمین ئاسەواری مێژوویی و فەرهەنگی خرایە لیستەی ئاسەوارە نێودەوڵەتییەكانی یونسكۆوە.
ئەو بینایە مێژووی درووست كردنەكەی دەگەڕێتە بۆ سەدەی حەوتەمی زایینی و بە شاكاری میعماری ئەوكات دێتە ئەژمار.
هەواڵدەریی فارس بڵاوی كردەوە، قەرە كلیسا لە باشووری شاری ماكۆ و لە 20 كیلۆمیتریی باكووری رۆژهەڵاتی چالدوران لە نزیك گۆندی "قرەكلیسا" هەڵكەوتووە.
رووبەری گشتیی ئەو بینایە شەش هەزار و 285 میتری چوار گۆشەیە.
قەرە كلیسا لەناو ئەرمنییەكانی جیهاندا بە "تادە مقدس" ناسراوە.
ئەو شوێنە گڵكۆی یەكێك لە "اسقف" ـەكانی مەسیح بووە.
