Bi binçavkirina 3ê welatiyên din ên Kurd bi navên Mensûr Nîkizad, Îdrîs Perwîzî xelkê gundê “Xanler” û Aso Mihemedî xelkê taxa “Taçîn Ava” ya ser bi bajarê Şinoyê, hejmara girtiyan li vî bajarî gihîşte 4 kesan.
Serê sibê roja Duşemî 18`ê Befranbarê, girtiyê bi navê “Kyûmers Qulamî” xelkê bajarê Serable ya parêzgeha Îlamê, li girtîgeha Qizilhisar a bajarê Kerecê hate îdamkirin.
Sibeha roja Yekşemî 17`ê Befranbarê, welatiyekî Kurd bi navê Cibraîl Ehmedpûr, temen 27 salî, kurê Rehman, xelkê gundê Girdkaşan a ser bi bajarê Şinoyê, ji aliyê hêzên ewlehiyê ve hat binçavkirin û bo cihekî nediyar veguhastin.
Roja Yekşemî 17’ê Befranbarê, 2 welatiyên Kurd bi navên “Muriteza Mihemedî” û “Îbrahîm Mihemedî” xelkê bajarê Sine piştî danîna barimteyê ji girtîgeha vî bajarî bi awayekî demkî serbest hatin berdan.
Reûf Şêx Meirûfî, Kamran Siltanî û Mihemed Ferecî 3 welatiyên xelkê bajarê Bokanê ku di serhildana şoreşgerî ya Jin, Jiyan, Azadî de ji aliyê hêzên ewlehiyê ve hatibûn binçavkirin, bi tohmeta “şer li dijî xweda” hatin tohmetbarkirin.
Serê sibê roja Pêncşemî 14ê Befranbarê, girtiyê bi navê “Se`îd naskirî bi (Elî) Muradiyan” yê xelkê bajarê Kengawer a ser bi parêzgeha Kirmaşanê li Girtîgeha Navendî ya Hemedanê hat îdamkirin.
Roja Sêşemî 12’ê Befranbarê, Wefa naskirî bi (Ebdullah) Resûlî Azer yê temen 22 salî, kurê Hisên xwenîşanderê xelkê Pîranşarê, ji bo cîbicîkirina cezayê xwe bo girtîgeha Nexedê hat veguhastin.
Roja Çarşemî 13ê Befranbarê welatiyekî Kurd bi navê “Arman Mênberî” xelkê bajarê Sine ji aliyê hêzên ewlehiyê ve hat binçavkirin.
Roja Çarşemî 13`ê Befranbarê, welatiyê Kurd bi navê “Museyêb Fetagbêygî” xelkê Îlamê, piştî gazîkirina bo taya sêyem a dozgeriya Giştî û Şoreş a vî bajarî, hat binçavkirin û ji bo cîbicîkirina cezayê wî bo girtîgeha Îlamê hat veguhastin.
Serê sibê roja Duşemî 11ê Befranbarê, 5 girtiyên bi navên “Mesûd Rostemî, Menûçihr (Hoctelah) Oqabî, Daryûş Şukirzade, Navxas Melekî (Melkizade) û Efşîn Mihemedî” yên xelkê parêzgeha Kirmaşanê li girtîgeha navendî ya Kerecê hatin îdamkirin.
Ajansa Nûçegihandinê ya Kurdpa
