Roja Pêncşemî 26’ê Rêbendanê, welatiyekî Kurd bi navê “Bêhzad Mihemedî” temen 30 salî, kurê Murad, û xelkê gundê “Qorûcave” ya ser bi Pîranşarê, piştî danîna barimteyê ji girtîgeha Nexede, bi awayekî demkî hat azadkirin.
Welatiyekî Kurd bi navê “Îbrahîm Resûlpûr” xelkê Nexede ji aliyê taya 103 a dadgeha tawanan a vî bajarî bi serperestiya dadwer “Hicazî” bi salek hepsa te`izîrî hat cezakirin.
Fatima Şêxî welatiya bajarê Avdanan ji aliyê taya 101 a dadgeha Tawan a hejmara 2 a vî bajarî bi serokatiya dadwer “Mihemed Qulamî” bi salek heps hat cezakirin.
Êvariya roja Duşemî 23ê Rêbendanê, welatiyê bajarê Qorve yê bi navê Secad Melikşahî piştî vexwandina xelkê ji bo beşdarînekirina di hilbijartinan de, ji aliyê hêzên ewlehiyê ve hat binçavkirin û bo cihekî nediyar veguhastin.
Roja Sêşemî 24ê Rêbendanê welatiyê bi navê “Hisên Said Moçişî” xelkê bajarê “Moçiş” a ser bi Kamiyaran û “Mistefa Zahirzihor” çalakvanê medenî yê xelkê Sine ji aliyê hêzên ewlehiyê ve hatin binçavkirin û bo cihekî nediyar veguhastin.
Roja Sêşemî 24ê Rêbendanê welatiyekî Kurd bi navê “Kawe Çûpanî” xelkê Dîwandere ji aliyê hêzên ewlehiyê ve hat binçavkirin û bo cihekî nediyar veguhastin.
Roja Duşemî 23`ê Rêbendanê, welatiyekî bi navê “Îrec Mehmûdî” kurê Esed xelkê gundê “Vîjnan” a ser bi bajarê Gîlanxerbê ku bi sedema teqîna mînekê bi giranî birîndar bibû, canê xwe ji dest da.
Roja Duşemî 23`ê Rêbendanê, welatiyekî Kurd bi navê “Yasir Husêynî” yê xelkê Kamiyaranê ji aliyê hêzên ewlehiyê ve hat binçavkirin û bo cihekî nediyar veguhastin.
Êvariya roja Yekşemî 22’ê Rêbendanê, kolberekî ciwan yê bi navê “Şîvan Sehîhî” xelkê gundê “Bilke” ya ser bi bajarê Bane, li sînorê “Sardab”a vî bajarî, ji aliyê hêzên leşkerî yên hikûmetê ve hat kuştin.
Pexişan Ezîzî, çalakvana Kurd û girtiya siyasî ya berê ya Mehabadê, ji aliyê taya 5 a lêkolînê ya Serdozgeriya Ewlehiya Êvînê ve bi tohmeta “endamtiya di nav girûpên opozisyona welat” de hatiye tohmetbarkirin.
Ajansa Nûçegihandinê ya Kurdpa
