Roja Sêşemî 28ê Xakelêweya 1403an a Rojî, pirtûkfiroşa "Jîra" ya bajarê Sine, bi serpereştiya Jîna Muderês, çalakvana mafên jinan, ji aliyê dezgeha navxwe ya vî bajarî, bi sedema neparastina hicaba bizorê hate daxistin.
Behmen Nadrî welatiyekî Kirmaşanê bi tohmeta “propaganda dijî hikûmetê” ji aliyê taya yekem a dadgeha Şoreş a vî bajarî ve bi 6 meh heps û 8 milyon Tûmen cezayê pere hat cazakirin.
Roja Çarşemî 22’ê Xakelêweya 1403’an a Rojî, “Muhsin Ehmedî” çalakvanê medenî û yek ji amadekarên rêûresma Newrozê li bajarê Karzan a Îlamê ji aliyê hêzên ewlehiyê ve hat binçavkirin.
Êvariya roja Şemiyê 25’ê Xakelêweya sala 1403’an a Rojî, kolberek bi navê “Omîd Seîdî” xelkê bajarê Sine, li sînorê “Bestam” a bajarê Seqizê, bi sebeba teqeya rasterast a hêzên leşkerî yên hikûmetê, hat kuştin.
Roja Înê 24’ê Xakelêweya 1403’an a Rojî, Selman Olfetî çalakvanê medenî yê xelkê bajarê Gêlanxerb a ser bi parêzgeha Kirmaşanê, careke din ji aliyê hêzên ewlehiyê ve hat binçavkirin û bo cihekî nediyar veguhastin.
Di heyama çend rojên borî de ciwanekî Kurd ê bi navê “Saman Oêysî” yê xelkê Mehabadê piştî ku bo îdareya îtilaata Spaha Pasdaran a vî bajarî hatibû gazîkirin, hate binçavkirin.
Sibeha roja Yekşemî 19ê Xakelêweya 1403an a Rojî, Dr.Luqman Qenberî, nivîskar û wergêrê Kurd, li bajarê Serpêla Zehawê, ji aliyê hêzên îtilaata Spaha Pasdaran ve, di mala malbata xwe de hate binçavkirin.
Li gor zanyariyên ku ketine destê Kurdpayê, îdareya Îtlaata Spaha Pasdaran li Mehabadê li hember daxwaza mirexesiya pizîşkî ya Eşkan Fehîm, çalakvanê wêjeyî û çandî yê Kurd ê girtî li girtîgeha vî bajarî de derketiye.
Di heyama rojên derbasbûyî de ciwanekî Kurd bi navê “Ramiyar Mihemedzade” temen 19 salî kurê Xalid xelkê Pîranşarê ji aliyê hêzên ewlehiyê ve hatiye binçavkirin û bo cihekî nediyar veguhastin e.
Roja Duşemî 20’ê Xakelêweya 1403’an a Rojî, Emîr Rehmanî welatiyê Kurd ê xelkê gundê “Taçîn ava” ya ser bi bajarê Şinoyê, bi danîna barimteya 500 milyon Tûmenî, bi awayekî demkî ji girtîgeha vî bajarî hat azadkirin.
Ajansa Nûçegihandinê ya Kurdpa
