Berpirsên Feransê dane zanîn ku 4 penaxwazên xelkê bajarê Serdeştê ku xwestine bi rêya kanala Manş bo Birîtaniya herin li nav ava wê kanalê de xendiqîne ku 2 ji wan zarok bûne.
Roja Sêşemî 6ê Xezelwerê, welatiyek Kurd yê bi navê “Ferşad Fetahî” xelkê bajarê Urmiyê piştî dawîhatina heyama lêpirsînê ji girtîgeha îdareya Îtilaatê bo girtîgeha navendî a wî bajarî hate veguhastin.
Roja Duşemî 5ê Xezelwerê, welatiyek Kurd yê bi navê “Faruq Ezîzî” kurê “Mihemed” temen 39 salî û xelkê gundê “Bêmzurtê” yê bajarê Şinoyê piştî banghêjkirin bo îdareya Îtilaatê wî bajarî hate binçavkirin.
Di rojên derbasbûyî de, îdareya Îtilaata bajarê Mehabatê, Bo heyama çend demjmêran malbata endamên Partiyên Kurdî bo navendên hikûmetî banghêj kirin û lêpirsînê ji wan tê kirin.
Rêveberê Saziya “Xorak û Derman”ê bi îşarekirin bi canjidestdana welatiyan bi sedema jehrawîbûn bi xwarina dermanan di Îranê de li heyama 8 salan ragehandiye: “Nêzî %80 ew core haletên jehrawîbûnê bi zanebûn û bi mebesta xwekujiyê bûye”.
Roja Yekşemî 4ê Xezelwerê, “Erselan Hidayetî” çalakvanê medenî ê xelkê bajarê “Qurweyê” bi awayê mercdar û karkirineke zêde li rojên dawiya girtina xwe ji girtîgeha “Dêzlava” ya bajarê Kirmaşanê hate azadkirin.
Roja Yekşemî 4ê Xezelwerê, kolberekî Kurd yê bi navê “Basit Mihemedî” xelkê gundê “Ninor” ê girêdayê bajarê “Bane”yê bi teqeya hêzên leşkerî li sînorê “Sertezên” ya wî bajarî hate birindarkirin.
“Şakir Bêhrûzî” girtiyê siyasî yê Kurd yê li girtîgeha Urmiyê bi îdamê hatî cezadan, bi çêkirina dosiyeyek nû bo navbirî, ew bo dadgeha keyferî ya bajarê Urmiyê hate gazîkirin.
Hejmarek ajeldarên bajarê Paweyê bi sebema vê ku Bexşdar hevkariya wan nake û astengiyan bo wan çê dike êrîş kirine ser bexşdariya wî bajarî.
Girtiyek siyasî yê bi navê “Seyîd Mihemed Husênî” xelkê bajarê Nexedeyê, bo heyama 33 mehan çarenivîsa wî di girtîgeha wî bajarî de nediyar e.
Ajansa Nûçegihandinê ya Kurdpa
