Roja Yekşemî 10ê Reşemê, du welatiyên Kurd yên bi navên “Kemal Qoytasî”, xelkê gundê “Çişmegol” û “Rehman Yûsifî”, xelkê gundê “Sewce”, bi danîna barimteyê heta bi dawîhatina qonaxa dadresiyê ji girtîgeha bajarê Şinoyê hatine azadkirin.
Roja Çarşemî 6ê Reşmê, Mihemed (Îsmet) Selehşûr, girtiyê siyasî yê Kurd û xelkê devera Mirgewer, ji girtîgeha navendî ya bajarê Urmiyê hate azadkirin.
Roja Sêşemî 5ê Reşeme, çalakvanekî jîngeparêzî yê Kurd yê bi navê “Dana Semedî”, xelkê bajarê Merîwanê, bi danîna barimteyê li yek ji girtîgehên ewlehî yên bajarê Sineyê hate azadkirin.
Roja Sêşemî 5`ê Reşeme, welatiyekî Kurd yê bi navê “Bêhzad Edwayî”, xelkê gundê “Silên” yê ser bi bajarê Sewlava, ji aliyê hêzên ewlehî ve hate binçavkirin.
Roja Duşemî 4`ê Reşemeyê, welatiyekî Kurd yê bi navê “Mihemed Mengûr Kurdistanî”, kurê Mamend û xelkê gundê “Kewper” yê ser bi bajarê Pîranşehrê, bo cîbicîkirina cezayê xwe bo girtîgeha bajarê Nexedeyê hate veguhastin.
Çend roj berî niha, welatiyekî Kurd yê bi navê “Zaniyar Mu`itemîdî”, xelkê bajarê Merîwanê, bi danîna barimteyê bi awayekî demkî ji girtîgehê hate azadkirin.
Roja Sêşemî 5ê Reşemeyê, welatiyekî Kurd yê bi navê “Karwan Mînûyî”, xelkê bajarê Merîwanê, bi danîna barimteyê bi awayekî demkî heta bi dawîhatina qonaxa dadresiya wî ji girtîgehê hate azadkirin.
Roja Şemî 2`ê Reşeme, Ferhad Mûsapûr, xelkê bajaroka Rebet a ser bi bajarê Serdeştê, ji girtîgeha Îtila`ata Spahê li bajarê Urmiyê, bo girtîgeha navendî a wî bajarî hate veguhastin.
Berpirsê zanîngeha zanistî ya pizîşkiya parêzgeha Îlamê ragihandiye, tenê di heyama mehekê de, 48 dersxwan li parêzgeha Îlamê de tûşî vîrûsa Koronayê bûne.
Şeva Şemiyê 2`ê Reşemeyê, du welatiyên Kurd yên bi navên “Ebûbekir Mihemedî”, temen 36 salî û xelkê gundê “Goreşêr” yê ser bi bajarê Serdeştê û “Eskender Mihemedî”, temen 35 salî û xelkê “Pişder” yê ser bi Herêma Kurdistanê, bi sedema teqe…
Ajansa Nûçegihandinê ya Kurdpa
