Roja Duşemî 3ê Gelawêjê Mamosteyê olî “Yûnis Nwxah” yek ji mamosteyên Mekteba Zanista Olî yê Selahedîn Eyûbî ya bajarê Pîranşarê bi danîna barimteyê ji girtîgeha bajarê Urmiyê hat azadkirin.
Roja Şemî 1ê Gelawêjê, welatiyekî Kurd yê bi navê “Behram Mihemedî” kurê “Rehman” xelkê bajarê “Banê” bi sedema teqeya rasterast ya hêzên leşkerî yên hikûmetê li ser sînorê “Hengejale” ya wî bajarî hat birîndarkirin.
Roja Yekşemî 2ê Gelawêjê, zarokek kar yê bi navê “Metîn Mistefayî” temen 10 salî kurê “Eyûb” xelkê gundê “Çereş” yê girêdayî devera “Berandêz” a ser bi bajarê “Urmiyê” dawî bi jiyana xwe anî.
Roja Yekşemî 2ê Gelawêjê, “Muhsin Ezîzî û Xoşnav Eynî” her yek ji wan bi danîna barimteya bi qasî 200 miliyon Tumenî ji girtîgeha bajarê “Şino”yê hatin azadkirin.
“Yûsif Rehmanî” xelkê bajarê “Şino”yê, di yek ji girtîgehên ewlehî yên bajarê “Urmiyê” de hepsiye û li derheq qedera wî ti zanyariyek serrast ji ber dest tune ye.
Roja Şemî 1ê Gelawêjê, Kolberekî Kurd yê bi navê “Se`dulla Yûnisî” bi sedema teqeya hêzên leşkerî yên hikûmeta Îranê li sînorê bajarê Banê canê xwe ji dest da û Kolberek din yê bi navê “Elî Yûnisî” bi dijwarî hatiye birîndarkirin.
Roja Yekşemî 2ê Gelawêjê, welatiyekî Kurd yê bi navê “Kawe Silêmanpûr” xelkê gundê “Xorxore” yê girêdayî bajarê Mehabadê bo cîbicîkirina heyama girtîgeha xwe bo girtîgeha wî bajarî hat veguhastin.
Sipêdeha roja Pêncşemî 30ê Pûşperê, welatiyekî Kurd yê bi navê “Emîr Ucaqî” xelkê bajarê “Kirmaşan”ê li girtîgeha bajarê “Yezid” hat bidarvekirin.
Roja Çarşemî 29ê Pûşperê, “Siyamend Kiramet” (Alanî) welatiyê Kurd yê xelkê gundê “Sîngan” yê girêdayî bajarê “Şino”yê bi danîna barimteya 500 miliyon Tumenî ji girtîgeha wî bajarî hat azadkirin.
Roja Înê 22ê Tîrmehê, welatiyek Kurd yê bi navê “Emîr Salihî”, kurê Îbrahîm û xelkê bajarê Baneyê, bi sedema teqîna gulleya topê li parêzgeha Silêmanyê li Herêma Kurdistanê, canê xwe ji dest da.
Ajansa Nûçegihandinê ya Kurdpa
