Di heyama çend rojên derbasbûyî de, hejmarek ji girtiyên li girtîgeha bajarê Bokanê, digel derkevtina hin ji nîşaneyên vîrûsa Koronayê, li bedena wan de rûbirû bûne û berpirsên girtîgehê jî ji vergirtina cerbandinên Koronayê xwe diparêzin.
Roja Şemî 15ê Gelawêjê, kedkarekî Kurd yê bi navê “Rehmet Silêmanî” temen 36 salî û xelkê bajarê “Mehabad”ê bi sedema berbûn li bilindahiyê, di dema kar kirinê de canê xwe ji dest da.
Roja Sêşemî 11`ê Gelawêjê, çalakvanekî jîngehparêz yê bi navê “Nevîd Konepoşî”, xelkê bajarê Merîwanê, piştî gazîkirin bo îdareya Îtila`ata wî bajarî, hat binçavkirin.
Roja Çarşemî 12`ê Gelawêjê, serbazekî Kurd ê bi navê “Aryan Şahmihemedî” xelkê bajarê Dîwandereyê bi sedemek nexuya li ser sînorê bajarê Baneyê dawî bi jiyana xwe anî.
Roja Înê 14`ê Gelawêjê, welatiyeke jin a bi navê “Şeyda Nesîrî” keça Mihemed û xelkê gundê “Befrevan” a girêdayî bajarê Mehabadê dawî bi jiyana xwe anî.
Roja Pêncşemî 13ê Gelawêjê, welatiyekî Kurd yê bi navê “Kazim Tabnak” kurê “Mihemedemîn” xelkê gundê “Sîngan” yê girêdayî bajarê “Şino”yê, piştî gazîkirina bo îdareya Îtilaata wî bajarî hat binçavkirin.
Biriyara binçavkirina demkî ya welatiyekî Kurd yê bi navê “Mikaîl Mênberî” xelkê gundê “Niyer” û rûniştiyê bajarê “Sinê”yê, ji aliyê taya du a dadgeha Şoreş ya bajarê “Sinê”yê hat demdirêjkirin.
Roja Pêncşemî 13ê Gelawêjê “Behmen Mehmûdîazer” xelkê bajarê “Şino”yê, bi danîna barimteya 500 miliyon Tumenî ji girtîgeha bajarê “Şino”yê hat azadkirin.
“Luqman Efzelî”, endamê Encûmena Sinfî ya Mamosteyên Kurdistan- Sine, ji aliyê hey`eta pêregihîştin bi serpêçiyên îdareyên fermanber ên parêzgeha Sineyê, bi du sal gorîna cihê karê xwe bi awayek zorî bo parêzgeha “Erdebêlê” hat cezadan.
Roja Çarşemî 12`ê Gelawêjê, ciwanek Kurd ê bi navê “Hêdî Şadîxwah” xelkê gundê “Sîngan” a girêdayî bajarê Şinoyê ji aliyê hêzên ewlehî ve hat binçavkirin.
Ajansa Nûçegihandinê ya Kurdpa
