Roja Şemî 22`ê Gelawêjê, “Yedê Beharîzer” çalakvanê warê kedkarî yê xelkê gundê “Evêheng” a girêdayî bajarê Sineyê û rûniştiyê bajarê Demavendê, ji aliyê taya 2 a lêpirsînê ya dadgeha Giştî û Şoreş wî bajarî, tawana wî jê re hat ragihandin.
Sibêdeha roja Yekşemî 23`ê Gelawêjê, sê welatiyên Kurd ên bi navên “Areş Pîrî” temen 20 salî û kurê Mihemed, “Hîwa Mîrzayî” temen 23 salî kurê Ebdulrehman û “Zahir Muradî” temen 23 salî û kurê Xidir, xelkê gundê “Bêmzortê” ya girêdayî…
Kedkarekî kangeha “Aqdere” ya bajarê “Tikab”ê yê bi navê “Abid Rehmanî” bi sedema lêxistina kevçiya Loderê, û bi sedema birîndarbûna lingê wî canê xwe ji dest da.
Roja Çarşemî 19`ê Gelawêjê, welatiyekî Kurd ê bi navê “Şapûr Muradî” xelkê gundê “Tengîser” a girêdayî bajarê Sineyê, piştî bidawî hatina heyama lêpirsînê li îdareya Îtila`ata bajarê Sineyê, bo girtîgeha wî bajarî hat veguhastin.
Roja Şemî 22`ê Gelawêjê, welatiyekî Kurd ê bi navê “Pîrot Tabnak” xelkê gundê “Sîngan” a girêdayî bajarê Şinoyê, piştî bidawî hatina heyama lêpirsînê li girtîgeha ewlehî ya bajarê Urmiyê, bo girtîgeha bajarê Şinoyê, hat veguhastin.
Roja Pêncşemî 20ê Gelawêjê, welatiyekî Kurd yê bi navê “Îsmaîl Kerîmî” temen 44 salî û xelkê gundê “Şewrîce” û rûniştiyê gundê “Mîrava” yê girêdayî bajarê “Bokan”ê, ji aliyê hêzên ewlehî ve hat binçavkirin.
Roja Pêncşemî 20`ê Gelawêjê ciwanekî Kurd yê bi navê “Hêdî Şadîxa” xelkê gundê “Sîngan” yê girêdayî bajarê “Şino”yê, bi danîna barimteya 300 miliyon Tumenî ji girtîgeha wî bajarî hat azadkirin.
Roja Pêncşemî 20ê Gelawjê, kedkarekî Kurd yê bi navê “Mihemed Qedîmî” temen 40 salî û xelkê bajarê “Bane”yê, ji ber hewaya gazê jehrî bû, û canê xwe ji dest da.
Roja Çarşemî 19ê Gelawêjê, Kolberekî Kurd yê bi navê “Ebdulla Hecerî” temen 25 salî kurê “Mecîd” bi sedema teqeya rasterast ya hêzên leşkerî yên hikûmetê li ser sînorê “Hengejal” ya bajarê “Bane”yê hat birîndarkirin.
“Behmen Yûsifzade, Fireydûn Mûsapûr, Ferhad Mûsapûr, Soran Husênzade, Îman Ebdî, Sîrwan Nûrî, Efşîn Mamehmedî, Siyaweş Eynî û Keyvan Endar”, ji binçavkiriyên meha Befranbara sala 1399`an a Rojî, ji aliyê taya 1 a dadgeha Şoreş a bajarê…
Ajansa Nûçegihandinê ya Kurdpa
