Tohmetên ku bi ser Gelawêj Ehmedî, çalakvana medenî, wêneger û birêvebera atoliyeya “Ejîn”ê de hatinî sepandin, roja Çarşemî 5ê Rêbendana 1401an a Rojî, di taya du ya lêpirsîna dadgeha giştî û Înqilaba Sineyê de jê re hate ragihandin.
Roja Pêncşemî 29ê Befranbarê, welatiyek Kurd ê bi navê “Ehmed Babaxanî” yê xelkê bajarê Kamêranê ji aliyê hêzên ewlehî ve hate binçavkirin.
Di heyama çend rojên borî de, sê welatiyên Kurd yên bi navên “Eskender Berderîz, Şehram Elîxanî û Xelîl Emînî” yên xelkê bajarê Mihabadê ji aliyê hêzên ewlehî yên hikûmeta Îranê ve hatine girtin.
Roja Pêncşemî 6ê Rêbendana 1401an a Rojî, zarokek temen 14 salî û yê bi navê “Komar Şabûyî”, kurê Siyamend û xelkê bajarê Şinoyê ji aliyê hêzên ewlehî ve hate girtin û bo cihek nediyar hate veguhestin.
Roja Çarşemî 5ê Befranbara 1401an Rojî, welatiyek Kurd yê bi navê “Husên Pêtrûsî” yê xelkê Pîranşehrê li ser sînorê vî bajarî bi sedema gullereşandina hêzên leşkerî yên hikûmetê hate birîndarkirin.
Roja Sêşemî 4ê Rêbendanê welatiyekî Kurd yê bi navê “Osman Perdedar” xelkê bajarê “Serdeşt”ê ji aliyê hêzên ewlehî yên hikûmeta Îranê ve li wî bajarî hat binçavkirin û bo cihek nexuya hat veguhastin.
Roja Dûşemî 3`ê Rêbendana 1401`ana Rojî, “Saman Nebî Girosî” yê xelkê bajarê Kengawer û rûniştiyê Kerecê, li girtîgeha Navenda Kerecê hat îdamkirin.
Roja Duşemî 3ê Rêbendanê mela “Şerîf Mehmûdpûr” pêşnimêjê mizgevta “Resûlilah” ya bajaroka “Peswê” ya girêdayî bajarê “Pîranşar”ê ji aliyê hêzên ewlehî yên rejîmê ve hat binçavkirin û bo cihek nexuya hat veguhastin.
Sibêdeha roja Sêşemî 4ê Rêbendanê, “mamoste Yûnis Noxwah û mamoste Seyîd Silêman Ehmedî” ji mamosteyên xwendêngeha Olî ya “Selahedîn Eyûbî” ya bajarê Pîranşarê, ji aliyê hêzên ewlehî ve hatin binçavkirin û bo cihê nexuya hatin veguhastin.
Şeva Duşemî 3`ê Rêbendanê, Mamoste “Seyîd Cemaledîn Wajî” kurê, Hacî Mamoste “Seyîd Nûredîn Wajî” Kesayetiyên Olî yê mesebê sunî li Kurdistanê, ji aliyê hêzên ewlehî ve hat binçavkirin û bo cihek nexuya hat veguhastin.
Ajansa Nûçegihandinê ya Kurdpa
