Roja Duşemî 8`ê Reşemeyê, kolberê bi navê “Ferdîn Rostemnijad” yê xelkê gundê “Şemşîr” yê ser bi bajarê Pawe bi sebeba teqeya rasterast ya hêzên leşkerî yên hikûmetî li ser sînûrê Newsûdê birîndar bû.
Serspêdeya roja Yekşemî 7`ê Reşemeyê, cezayê îdamkirina girtiyê bi navê “Hemîd Rehîmî” yê xelkê bajarê Dêwolanê li girtîgeha Navendî ya Sine birê ve çû.
Roja Duşemî 1`ê Reşemeyê, girtiyê bi navê “Se`îd Selîmîfer” temen 35 salî û kurê Mistefa û xelkê gundê Siltanavaya li 35 kîlometiriya rêya Selmasê, bi xwarin heban li girtîgeha Urmiyê de dawî bi jiyana xwe anî.
Serspêdeya roja Yekşemî 7`ê Reşemeyê, 6 kolberên Kurd li rêya dinavbera Ciwanro bo Pawe li nêzî “Şebankare” bi sebeba bûyera trafîkê birîndar bûne û rewşa du ji wan nebaş hatiye ragihandin.
“Aram Azade” welatiyê Kurd yê xelkê bajarê Sinê, tevî derbasbûna mehekê li ser binçavkirina wî de, heta niha jî di girtîgehê de ye û çarenivîsa wî nediyar e.
“Xebat Fedayî” hunermendê Kurd yê xelkê gundê “Boryer” yê ser bi Serwavayê û rûniştiyê bajarê Tehranê, ji aliyê taya Yek ya Dadgeha Şoreşa bajarê Veramînê bi serokatiya dadwer “Eşikan Ramiş” bi 6 sal hepsa te`izîrî hat cezakirin.
Serspêdeya roja Çarşemî 3`ê Reşemeyê, cezayê îdamkirina girtiyê bi navê “Mihemedresûl Çolekî” yê xelkê bajarê Îwanxerbê li girtîgeha Îlamê birê ve çû.
Roja Pêçşemî 4`ê Reşemeyê, welatiyê Kurd yê bi navê “Murteza Mihemedî” li taya Du ya Dadgeha Giştî ya Şoreşê ya li Sinê bi “Têkdana pirensîp û ewlehiya giştî” hat tohmetbarkirin.
Roja Sêşemî 2`ê Reşemeyê, “Teha Resûliyan” çalakvanê medenî yê xelkê bajarê Pîranşarê bi danîna barimteya bi qasî 5 milyard Tumenî bi awayê demkî heta bidawîhatina dewrên dadgehê li girtîgeha Nexedê hat azadkirin.
Roja Duşemî 1`ê Reşemeyê, welatiyê bi navê “Ebdulhusên Qedîmî” yê xelkê gundê Kelkelya serê yê ser bi bajarê Çirdavel a Îlamê bi sebeba teqîna mînê canê xwe ji dest da.
Ajansa Nûçegihandinê ya Kurdpa
