Êvariya roja Pêncşemî 22’ê Pûşperê ciwanekî Kurd ê bi navê Erselan Mihemedî kurê Elî û xelkê gundê Gergol a Pîranşarê ji aliyê hêzên ewlehiyê ve hat binçavkirin û bo cihekî nediyar hat veguhastin.
Mihemed Daniyalî temen 23 salî, endamê girûpa çiyageriya “Binar” a Avdananê, piştî 60 rojan binçavkirina demkî bi danîna barimteya 5 milyar Tûmenî, bi awayekî demkî ji girtîgeha navendî ya Îlamê hat azadkirin.
Ji malbatên can goriyên Sinê Ebdulrehman Nasrî û Arman Hebîbî ji aliyê taya 101 ya Dadgeha Cezayan ya Bokanê ve 6 meh cezayê girtîgehê û 40 qamçiyan birîn.
Roja Sêşemî 20’ê Pûşperê welatiyê xelkê Mehabadê yê bi navê Mamend Qureyşî ji aliyê hêzên ewlehiyê ve hat binçavkirin û bo cihekî nediyar hat veguhastin.
Tevî ku 10 roj bi ser binçavkirina Saman Paşayî werzişvanê medala cîhanî ya guleştêya ferengî û xelkê Seqizê re derbas bûne, lê ti agahî derbarê çarenivîsa wî de tuneye.
Sibeha roja Duşemî 19’ê Pûşperê welatiyek Kurd ê bi navê “Hîwa Derxordî (Xarice)” û xelkê Pîranşarê ji aliyê hêzên ewlehiyê ve hatiye binçavkirin û bo cihekî nediyar hat veguhastin.
Roja Duşemî 19’ê Pûşperê, kolberekî bi navê “Yûnis Mihemedî” û xelkê gundê “Bazan” a ser bi navçeya Ciwanroyê bi gulleyên hêzên dewletê yên li sînorê Newsûdê bi giranî birîndar bû.
Mamosta Seyîd Cemaledîn Vajî û mamosta Şerîf Mehmûdpûr pêşnimêjê Înê yên Pîranşarê bo îdareya îtla`ata vî bajarî hatin gazîkirin û lêpirsîn ji wan re hat kirin.
Roja Çarşemî 21’ê Pûşperê, Ribwar Ebdulahî, çalakvanê kedkarî yê xelkê Sinê, ji aliyê hêzên ewlehiyê ve hat binçavkirin û bo cihekî nediyar hat veguhastin.
Roja Sêşemî 20’ê Pûşperê welatiyekî Kurd ê bi navê “Cemal Bayezîdî” û xelkê Mehabadê ji aliyê hêzên ewlehiyê ve hat binçavkirin û bo cihekî nediyar hat veguhastin.
Ajansa Nûçegihandinê ya Kurdpa
