Roja Yekşemî 4ê Xezelwerê, “Erselan Hidayetî” çalakvanê medenî ê xelkê bajarê “Qurweyê” bi awayê mercdar û karkirineke zêde li rojên dawiya girtina xwe ji girtîgeha “Dêzlava” ya bajarê Kirmaşanê hate azadkirin.
Roja Yekşemî 4ê Xezelwerê, kolberekî Kurd yê bi navê “Basit Mihemedî” xelkê gundê “Ninor” ê girêdayê bajarê “Bane”yê bi teqeya hêzên leşkerî li sînorê “Sertezên” ya wî bajarî hate birindarkirin.
“Şakir Bêhrûzî” girtiyê siyasî yê Kurd yê li girtîgeha Urmiyê bi îdamê hatî cezadan, bi çêkirina dosiyeyek nû bo navbirî, ew bo dadgeha keyferî ya bajarê Urmiyê hate gazîkirin.
Girtiyek siyasî yê bi navê “Seyîd Mihemed Husênî” xelkê bajarê Nexedeyê, bo heyama 33 mehan çarenivîsa wî di girtîgeha wî bajarî de nediyar e.
Îro Çarşemî 30ê Rezberê, cezaya îdamkirina girtiyek yê bi navê “Şehram Texşa” xelkê bajarê Kirmaşanê di girtîgeha Sineyê de hate cîbicîkirin.
Çend roj beriya niha hêzên ewlehî keçeke xwendekar a Kurd ya bi navê “Sumeye Karger” a xelkê Îlamê û rûniştiyê bajarê Tehranê binçav kirin û bo cihek nediyar veguhastin.
Şeva Duşemî 28ê Rezberê, hêzên leşkerî yên hikûmetê li ser sînorê “Brwêşkan” a bajarê Baneyê, Kolberekî Kurd yê bi navê “Yasîn Fîkrî”, temen 22 salî azar û îşkence dane.
Roja Pêncşemî 24ê Rezberê, kasibkarek yê xelkê Merîwanê yê bi navê “Îsmaîl Newrozî”, temen 36 salî û rûniştiyê şehreka “Kanîdînar” ya wî bajarî bi teqeya hêzên leşkerî yên hikûmetê di Kirmanşanê de hate birîndarkirin.
Êvara roja Semî 26ê Rezberê, kolberekî Kurd yê bi navê “Emîn Şems” bi teqeya hêzên leşkerî yên hikûmeta Îranê li ser sînorê Çaldiranê hate kuştin.
Roja Yekşemî 27ê Rezberê, “Adil Mukerem” girtiyê siyasî yê Kurd di girtîgeha Urmiyê de li derheq cîbicînekirina daxazkariyên wî nerizayetî nîşan da û agir berda cesteyê xwe.
Ajansa Nûçegihandinê ya Kurdpa
