Roja Yekşemî 25`ê Pûşperê, welatiyekî bi navê “Mîlad Murşidî” yê temen 28 salî û xelkê devera “Karzan” a bajarê “Sîrwan”ê ser bi parêzgeha Îlamê, ji aliyê hêzên ewlehî ve hate binçavkirin û bo ciheke nexya hate veguhastin.
Roja Duşemî 26`ê Pûşperê, Welatiyê xelkê bajarê Sinê “Beşîr Nûrî” bi danîna barimteya 500 milyon Tumenî, bi awayê demkî ji girtîgeha îdareya Îtila`at a wî bajarî hate azadkirin.
Hunermend û çalakvanê çandî yê xelkê bajarê Bokanê “Riza Xoşnezer”, ji aliyê hêzên hikûmeta Îranê ve hate binçavkirin û bo ciheke nexuya hatiye veguhastin.
Roja şemî 24’ê Pûşperê, kolberek bi navê “Mihemedsalih Qenberî” xelkê gundê “Sefî ava” a ser bi navçeya Ciwanroyê, li sînorê “Tete” ya Hewramanê ji aliyê hêzên leşkerî yên Îranê ve bi giranî birîndar bû.
Li wan rojên dawiyê de, zarokekî 14 salî yê bi navê “Muhsin Şaboyî”, kurê “Hisên” û xelkê gundê “Şawane”yê ser bi bajarê Şinoyê, ji aliyê hêzên ewlehî ve hatiye binçavkirin.
Roja Yekşemî 25’ê Pûşperê, du welatiyên xelkê Peswê yê Pîranşarê, yên bi navên “Muhsen Cewadîfer” û “Şefî Azîr” bi danîna barimteyl heta dawî hatina dozê, bi awayekî demkî ji girtîgeha Îdareya Îtila`ata Urmiyê hatin berdan.
Sibeha roja Duşemî 26`ê Pûşperê, girtiyê bi navê “Senger Xizrî” yê xelkê Serdeştê li girtîgeha Nexedê hate bidarvekirin.
Roja Yekşemî 25’ê Pûşperê Cemal Resûlzade kurê Mihemed û xelkê gundê Xûrîncê yê Pîranşarê piştî danîna barimteyê ji girtîgeha Nexedê hat berdan.
Welatiyekî xelkê parêzgeha Helebçê ya ser bi Herêma Kurdistanê yê bi navê “Qazî Mistefa” bi sedema teqeya hêzên Spaha Pasdaran canê xwe ji dest da.
Sibêdeha roja Şemî 24’ê Pûşperê, welatiyek a bi navê “Lalîxan Nîkniya” xelkê gundê “Hekê” yê ser bi devera “Tirgewer” a bajarê Urmiyê ji aliyê hêzên ewlehiyê ve hat girtin û bo cihekî nexuya hate veguhestin.
Ajansa Nûçegihandinê ya Kurdpa
