Roja Yekşemî 22’ê Gelawêjê, 2 kolberên Kurd yên bi navên “Muhsin Dêwalî” xelkê gundê “Dêwalan” a Serdeştê û “Hadî Resûliyan” xelkê gundê “Hilwe” a Serdeştê li sînorê Hengejale ya Bane, ji aliyê hêzên hikûmetê ve hatin girtin.
Roja Şemî 21’ê Gelawêjê, Behar Ehmedî hevjîna Esed Mihemedî çalakvanê sivîl ê girtî yê bajarê Sinê ji aliyê hêzên ewlehiyê ve hat girtin.
Roja Duşemî 23`ê Gelawêjê du welatiyên bi navên “Luqman Suxenver” kurê Xizir û “Hoşyar Qadrî” kurê Haşil xelkê gundê Şînavê ya Pîranşarê ji aliyê hêzên ewlehiyê ve hatin girtin û bo cihekî nediyar hatin veguhastin.
Roja Yekşemî 22’ê Gelawêjê kolberek bi navê “Tahir Îsmaîl Tiwana” kurê Elî xelkê Pîranşarê, li sînorê “Hengejale” ji aliyê hêzên leşkerî yên hikûmetê ve birîndar bû û kolberekî din yê bi navê “Şîrzad Îsmaîl Tiwana” kurê Husên xelkê…
Roja Şemî 21’ê Gelawêjê, kolberek bi navê “Şayan Zehmetkêş” xelkê gundê “Tîn” a ser bi navçeya Paw, bi bi sedema golereşandina hêzên leşkerî yên hikûmetê li ser sînorê Newsûdê birîndar bû.
Di rojên derbasbûyî de Firêşte Mensûrî ya temen 36 salî û xelkê bajarê Serable ji aliyê taya 101 a Dadgeha Cezayê Giran a bajarê Îlamê ve, bi tohmeta “weşana derewan bi mebesta alozkirina rewşa giştî” bi 6 meh û rojek heps hat cezakirin.
Roja yekşemî 22’ê Gelawêjê, Ziryan Melayî û Zîlan Melayî xwendekarên mîmarî yên Koleja Teknîkî ya Keçan a Sinê ji aliyê hêzên ewlehiyê ve hatin binçavkirin û bo cihekî nediyar hatin veguhastin.
Roja Yekşemî 22`ê Gelawêjê, kolberê bi navê “Erselan Resûlî” xelkê Serdeştê, li sînorê Hengejale ya bajarê Banê, ji aliyê hêzên leşkerî yên dewletê ve hat kuştin.
Roja Şemî 21’ê Gelawêjê, Hesen Deroftade bavê Komar Deroftade, yek ji qurbaniyên serhildana şoreşgerî ya Jin, Jiyan, Azadî, bo Îdareya Îtila’ata Pîranşarê hat gazîkirin û lêpirsîn jê hat kirin.
Êvariya roja Înê 20’ê Gelawêjê, Riza Bebirnejad, birayê Mehdî Bebirnejad, yek ji qurbaniyên serhildana şoreşgerî ya Jin, Jiyan, Azadî li Qoçanê, ji aliyê hêzên îtla`ata Pasdaran ve hat binçavkirin û bo cihekî nediyar hat veguhastin.
Ajansa Nûçegihandinê ya Kurdpa
