Sibeha roja Çarşemî 25`ê Gelawêjê, welatiyekî Kurd bi navê “Armanc Xeste” kurê Ehmed xelkê bajarê Gogtepe û rûniştiyê Mehabadê ji aliyê hêzên ewlehiyê ve hat girtin û bo cihekî nediyar hat veguhastin.
Du welatiyên Kurd yên bi navên “Hisam Keremî” û “Sîrvan Keremî” zarokên Îbrahîm û xelkê gundê “Çirosane” a ser bi Kamiyaranê ji aliyê hêzên ewlehiyê ve hatin girtin û Sîrvan Keremî piştî çar rojan ji binçavkirinê hat azadkirin.
Roja Pêncşemî 26’ê Gelawêjê, Zîba Qilîçxanî yek ji girtiyên serhildana şoreşa ya Jin, Jiyan, Azadî li Bîcarê, piştî eşkerekirina tohmetan li dadgeha vî bajarî, careke din hate girtin û bo navenda çaksaziya Sinê hat veguhastin.
Sibeha roja Çarşemî 25`ê Gelawêjê, girtiyê bi navê “Îbrahîm Mewlûdpûr” li girtîgeha Dêzfolê hate bidarvekirin.
Saman Paşayî xwediyê medala cîhanî ya ferengî û xelkê Seqizê, piştî derbasbûna 52 rojan ji binçavkirinê û di odeya takekesî ya Girtîgeha îtla`ata Sinê de ji bo wergirtina îtirafên bi zorê, di bin givaşên tund ên hêzên ewlehiyê de ye.
Sibeha roja Sêşemî 24`ê Gelawêjê, welatiyekî Kurd bi navê “Hisên Mehmûdpûr” temen 46 salî û xelkê gundê “Gergol Jorê” ya Pîranşarê ji aliyê hêzên ewlehiyê ve hat girtin û bo cihekî nediyar hat veguhastin.
Roja Pêncşemî 26`ê Gelawêjê kolberek bi navê Celal Sohrabî kurê Kerîm û xelkê gundê Tajban a Bane li sînorê vî bajarî bi sedema golereşandina hêzên leşkerî yên hikûmetê birîndar bû.
Sê welatiyên Kurd yên bi navên “Mamil Şerîfî” kurê Mutelib, “Erselan Xeyrî” kurê Îsmaîl û “Hîwa Rahnişîn” kurê Xizr xelkê gundê “Befervan” a Mehabadê ji aliyê hêzên ewlehiyê ve hatin girtin û bo cihekî nediyar hatin veguhastin.
Mamosta Hadî Ehmedî, mamostayê Mekteba Zanistên Olî ya Şems El-Erefîn Necar a Pawe, careke din bo Dadgeha Taybet a Rûhaniyet ya Kirmaşanê hat vexwendin.
Sibeha roja Çarşemî 25`ê Gelawêjê, welatiyek bi navê “Şîrvan Xizrî” xelkê gundê “Bîmizirte” ya ser bi Şinoyê ji aliyê hêzên ewlehiyê ve hat girtin û bo cihekî nediyar hat veguhestin.
Ajansa Nûçegihandinê ya Kurdpa
