Roja Sêşemî 19`ê Xakelêwe, du welatiyên Kurd yên bi navên “Şehram Kazimyan û Mihemed Qizilbaş”, xelkê bajarê Urmiyê, bi danîna barimteyê bi awayekî demkî di girtîgeha navendî a wî bajarê de hatine azadkirin.
Roja Duşemî 18`ê Xakelêwe, “Sabir Nadirî”, hepsiyê siyasî yê xelkê bajarê “Qurwe”yê, piştî 18 meh heps di girtîgeha navendî a bajarê Sineyêde, di encama lêbûrîna Newrozê a dezgeha dadweriyê, hate azadkirin.
Roje Yekşemî 17`ê Xakelêwe, taya 1 a dadgeha şoreş a bajarê Sineyê bi serokayetiya dadwer “Se`îdî” cezaya 3 meh û 1 roj heps li ser “Ferdîn Mewlûdî” de sepand.
Bi piştgirêdan bi amara tomarkirî li navenda amarî a “Mîn û Zindigî”, 37 hevwelatî bi sedema teqîna mînê li heyama sala derbasbû di Îran û Kurdistanê de canê xwe ji dest dane û birîndar bûne.
Roja Şemî 16`ê Xakelêwe, “Dr.Rehîm Yûsifpûr”, pizîşkî naskirî ê xelkê bajarê Seqizê, li taya 3 a lêpirsîna dadgeha giştî a wî bajarî, piştî rohinbûna cezayê wî û bi danîna barimteyê bi awayekî demkî hate azadkirin.
Roja Pêncşemî 14`ê Xakelêwe, “Tehsîn Dadres”, hepsiyê siyasî ê Kurd û xelkê gundê “Serdoş” a ser bi bajarê Merîwanê, di girtîgeha wî bajarî de bo girtîgeha navendî a bajarê Sineyê hate veguhastin.
Welatiyekî Kurd ê xelkê gudê “Çor” a girêdayê bajarê Merîwanê bi navê “Mosa Yûsifî” ji aliyê dadgeha wî bajarî ve bi salek hepsa “te`izîrî” hate cezadan.
Welatiyekî Kurd bi navê “ Şakir Bêhrûzî “ xelkê Gundê Dizê li herêma Mirgewer, ji aliyê taya 2` a dadgeha binav şorişa Îslamî a bajarê Urmiyê bi dozgeriya “ Şêxlû “ bi 5 sal hukima te`zîrî hat cezadan.
Taya 101 a dadgeha “Keyferî” ya 2 a bajarê Şinoyê, çalakvanekî jîngehparêz, yê bi navê “Reşîd Nasirzade” kurê Fetah bi 6 sal hepsa te`izsîrî ceza da.
Welatiyekî Kurd yê bi navê “Şakir Bêhruzî” xelkê Dize a ser bi devera Mirgewer, ji aliyê taya 2 a dadgeha şoreş a bajarê Urmiyê bi serokayetiya dadwer “Şêxlû” ve, bi 5 sal hepsa te`izîrî hate cezadan.
Ajansa Nûçegihandinê ya Kurdpa
