Biryara binçavkirina demkî ya “Osman Îsmaîlî”, çalakvanê kedkarî yê xelkê Seqizê bo heyama mehekê û bi şêweya nezelalbûnê li Stada Xeberî ya îdareya îtla`ata Sinê de hat pejrandin.
Biryara qedexekirina demkî ji xwendinê ji bo salek û nîv û berteka nivîskî ya Zana Secodî xwendekarê asta Karnasiya Perwerdehiya laş ya zanîngeha Xwerezimî û xelkê bajarê Seqizê ji aliyê Komîteya Dîsîplînê ve hat pesendkirin.
“Murteza Mihemedî” welatiyê Kurd yê xelkê Sine li destpêka binçavkirinê di yek ji girtîgehên ewlehî yên wî bajarî de dest avêtiye bi girevê.
“Siyaweş Heyatî” Berdevkê Encûmena Şêwreya Çalakvanên Medenî yê Yarsanan û Berpirsê Eniya Yekîtiya Kurd, bi tohmeta “kombûn û têkdana ewlehiya navxwe” bo taya Yek ya Lêpirsîna Dadgeha Giştî û Şoreşa bajarê Sehne hat gazîkirin.
Roja Duşemî 8`ê Reşemeyê, “Mirsad Derwîşî” kolberê Kurd yê xelkê bajarê Selasa Bawecanî ku bi sebeba bûyera trafîkê birîndar bibû, li nexweşxaneya Taliqanî ya bajarê Kirmaşanê canê xwe ji dest da.
Di heyama rojên derbasbûyî de, welatiyê Kurd yê bi navê “Rêbaz Temamî” yê temen 18 salî û kurê Ehmed û xelkê bajarê Bokanê, ji aliyê hêzên ewlehî ve hat binçavkirin.
Roja Duşemî 8`ê Reşemeyê, kolberê bi navê “Ferdîn Rostemnijad” yê xelkê gundê “Şemşîr” yê ser bi bajarê Pawe bi sebeba teqeya rasterast ya hêzên leşkerî yên hikûmetî li ser sînûrê Newsûdê birîndar bû.
Serspêdeya roja Yekşemî 7`ê Reşemeyê, cezayê îdamkirina girtiyê bi navê “Hemîd Rehîmî” yê xelkê bajarê Dêwolanê li girtîgeha Navendî ya Sine birê ve çû.
Roja Duşemî 1`ê Reşemeyê, girtiyê bi navê “Se`îd Selîmîfer” temen 35 salî û kurê Mistefa û xelkê gundê Siltanavaya li 35 kîlometiriya rêya Selmasê, bi xwarin heban li girtîgeha Urmiyê de dawî bi jiyana xwe anî.
Serspêdeya roja Yekşemî 7`ê Reşemeyê, 6 kolberên Kurd li rêya dinavbera Ciwanro bo Pawe li nêzî “Şebankare” bi sebeba bûyera trafîkê birîndar bûne û rewşa du ji wan nebaş hatiye ragihandin.
Ajansa Nûçegihandinê ya Kurdpa
