سنە؛ بانگکردن و لێپرسینەوە لە نەسرەدین میری لەلایەن ئیتلاعاتی سپاوە
22:06 - 26 رەشەمه 2724
ڕۆژی پێنجشەممە ٢٣ی ڕەشەمەی ١٤٠٣، نەسرەدین میری، هاووڵاتیی خەڵکی گوندی "تەنگیسەر" سەر بە شاری سنە بانگی ئیتلاعاتی سپا لەم شارە کرا و لێپرسینەوەی لێ کرا.
بە وتەی سەرچاوەیەکی ئاگادار، ئەم هاووڵاتییە کوردە لە پێوەندی لەگەڵ چالاکیی منداڵەکانی لەلایەن هیزە ئەمنییەتییەکانەوە هەڕەشەی لێ کراوە و پاش چوار کاتژمێر لێپرسینەوە ئازاد کراوە.
ڕۆژی شەممە ٢٢ی بەفرانباری ١٤٠٣، ژیان (موکرات) میری کوڕی نەسرەدین لەلایەن هێزە ئەمنییەتییەکانەوە دەسبەسەر کرا و ڕۆژی پێنجشەممە ٢٧ی بەفرانبار بە دانانی بارمتەی ٥٠٠ میلیۆن تمەنی و بە شێوەی کاتی هەتا کۆتاییهاتنی قۆناغەکانی دادڕەسی لە بەندیخانەی سنە ئازاد کرا.
