لەسێدارەدانی مەولوود خالدیان، بەندکراوی خەڵکی قوروە لە بەندیخانەی قزڵحساری کەرەج

سەرلەبەیانیی ڕۆژی چوارشەممە ١١ی ڕەزبەری ١٤٠٣، سزای لەسێدارەدرانی بەندکراوێک بە ناوی "مەولوود خالدیان" خەڵكی شاری قوروە، لە بەندیخانەی قزڵحساری کەرەج جێبەجێ کرا.

بە وتەی سەرچاوەیەکی ئاگادار، ئەم بەندکراوە نزیکەی ٤ ساڵ پیش ئێستا بە تۆمەتی "کوشتنی بەئەنقەست" دەسبەسەر کراوە و دواتر لەلایەن ناوەندە دادوەرییەکانەوە بە لەسێادرەدران سزا دراوە.

مەولوود خالدیان، خێزاندار، باوکی منداڵێک و خەڵکی گوندی "قاملوو" سەر بە شاری قوروەیە.

تاکوو ئێستا هەواڵی لەسێدارەدرانی ئەم بەندکراوە لەلایەن ناوەندە فەرمییەکان و میدیا نێوخۆییەکانی ئێرانەوە ڕانەگەیەندراوە.