٨ی مارسی ٢٠٢٢؛ ٤٧ حاڵەت سەرکوتی ژنان لە کوردستان + ئامار
ڕێکخراوی مافی مرۆیی کوردپا بەبۆنەی ٨ی مارس ڕۆژی جیهانیی ژنان، لە ڕاپۆرتێکی ئاماریدا باسی لە پێشێلکارییەکانی مافی ژنان لە کوردستان و خەسارە کۆمەڵایەتییەکانی (خۆکوژی و کوشتنی ژنان)، لە مانگی مارسی ٢٠٢١ هەتا مارسی ٢٠٢٢ی زایینی کردووە.
لە ڕاپۆرتی یەکەمدا باسی لە حاڵەتەکانی دەسبەسەری، بانگهێشت، سەپاندنی سزا، کوشتن و برینداربوون بەهۆی تەقینەوەی مین و پێشێلکاریی مافی زیندانییانی سیاسیی ژن لە زیندانەکان باس دەکرێت.
دەسبەسەری ٢٤ حاڵەت، سەپاندنی سزا ٦ حاڵەت، بانگهێشتکردن بۆ ئیدارەی ئیتلاعات ٤ حاڵەت، کوژران و برینداربوون بەهۆی تەقینەوەی مین ٤ حاڵەت و پێشێلکاریی مافی ژنانی زیندانیی سیاسیی کورد لە زیندان و گرتنگە ئەمنییەتییەکان ٩ حاڵەت.
ئەم ڕاپۆرتە بە پشتبەستن بە ئاماری تۆمارکراو لەلایەن "کوردپا" کە خۆی بەدواداچوونی بۆ کردووە و پشتڕاستی کردووەتەوە، بڵاو دەکرێتەوە.
بیاڤی چالاکیی ژنانی دەسبەسەرکراو:
٥ چالاکی مەدەنی و فەرهەنگی، خوێندکارێک، ٢ چالاکی ژینگەیی ،٢ چالاکی ژنان و چالاکێکی کرێکاری
ڕۆڵی ڕاستەوخۆ و مەئموورانی ناوەندە حکوومەتییەکان لە دەسبەسەریی ژنان لە کوردستان:
تەواوی ئەو ژنانه لەلایەن ناوەندە ئەمنییەتییەکانەوە دەسبەسەر کراوە.
ناڕوونیی چارەنووسی ١٧ کەس و شوێنی دەسبەسەریی ١٣ کەس لەو ژنانه پاش دەسبەسەرکرانیان ناڕوونە.
هێرش بۆ سەر ماڵی ٦ کەس لەو ژنانه و پشکنینی ماڵەکانیان.
هەروەها کەرەستەی شەخسیی ٢ کەس لەو ژنانە لە کاتی دەسبەسەری دەستی بەسەردا گیراوە.
دەبێت بوترێ تۆمەتی دەسبەسەرکراوەکان ڕوون نییە، بەڵام لە زۆربەی حاڵەتەکان دەسبەسەرکراوەکان بە تۆمەتی "ئەمنییەتی" و بە ڕوونی "هاوکاری لەگەڵ حیزبە کوردییەکان" تاوانبار کراون.
مەحکوومکران بو زیندانی و سزای دیکە: ٦ حاڵەت
١٧ ساڵ ٨ مانگ و ١ ڕۆژێک زیندان
٤ ساڵ و ٣٠ مانگ زیندانی تەعلیقی
ئەندامبوون لە حیزبە کوردییەکان، پڕۆپاگەندە دژی نیزام و هەوڵدان دژی تەناهیی نەتەوەیی لەو کۆمەڵە تۆمەتانە بوونه کە وەپاڵ دەسبەسەرکراوەکان دراوە.
بانگهێشتکردن بۆ ئیدارەی ئیتلاعات: ٤ حاڵەت
شلێر قادر نژاد و مەهتاب قادر نژاد، بە تۆمەتی هاوکاری لەگەڵ حیزبە کوردییەکان
هاجەر سەعیدی، چالاکی کرێکاری بەهۆی چالاکییەکان
بنەماڵەی (خوشکەکانی) کەیوومەرس لەتیفی؛ چالاکی مەدەنی
کوژراو و برینداربوون بەهۆی تەقینەوەی مین: ٤ حاڵەت
لە ئەمساڵدا ٤ ژن؛ دوو ژنی هەوارنشین لە کرماشان و ٢ ژنی ئیلام تووشی تەقینەوەی مین بوونە کە یەکێکیان کوژرا.
پێشێلکاریی مافی ژنانی زیندانیی سیاسیی کورد لە زیندان و گرتنگە ئەمنییەتییەکان: ٩ حاڵەت
٥ حاڵەت مانگرتن
پێشگرتن لە چاوپێکەوتنی سوهەیلا حیجاب
٢ حاڵەت بێبەریکردنی مووژگان کاووسی لە دەستپێڕاگەیشتنی پزیشکی
١ حاڵەت لێدانی زیندانیی سیاسی؛ خەدیجە مەهدی‌پوور، زیندانیی سیاسی بە هاندنی مەئموورانی زیندان.
ناوی ژنانی زیندانیی سیاسیی کورد لە زیندانەکانی کۆماری ئیسلامیی ئێران:
زەینەب جەلالیان: زیندانی هەتا هەتایی، سەکینە پەروانە، سوهەیلا حیجاب، سنوور تاراما، زارا محەممەدی، خەدیجە مەهدی‌پوور و شنە ئەحمەدی.
