Êvara roja Şemiyê 5’ê Reşemeya 1402’an, hêzên leşkerî yên hikûmetê li sînorê Newsûdê gule berdane komek kolberan û herî kêm 21 kolber birîndar kirin.
Roja Pêncşemî 3`ê Reşemeyê, welatiyekî Kurd bi navê “Ebdulkerîm Kakul” piştî gazîkirina bo taya cîbicîkar ya Dadgeha Giştî û Şoreş a Şinoyê hat binçavkirin û ji bo cîbicîkirina cezayê girtîgehê bo girtîgeha vî bajarî veguhastin.
Roja Sêşemî 1ê Reşemeya 1402an a Rojî, Dana Lencabadî, çalakvanê medenî û girtiyê siyasî yê berê yê Merîwanê, bêyî biryara dadgehê ji aliyê hêzên ewlehiyê ve hat binçavkirin û bo girtîgeha Îdareya Îtilaata vî bajarî hat veguhastin.
Roja Pêncşemî 26ê Rêbendanê, welatiyekî Kurd bi navê “Ako Mihemedniya” xelkê bajarê Sine ji aliyê hêzên ewlehiyê ve hatiye binçavkirin û heya niha ti zanyariyek li derheq çarenivîsa wî de nîne.
Şahîn Vesaf welatiyek Kurd yê xelkê bajarê Selmasê û rûniştiyê bajarê Urmiye, piştî derbasbûna salek binçavkirinê ji aliyê taya sêyem a dadgeha Şoreş a Urmiye bi tohmeta "sîxorîkirina bo Îsraîl"ê bi îdamê hat cezakirin.
Roja Sêşemî 1ê Reşemeyê, ciwanê Kurd ê bi navê “Zana Mênberî” xelkê bajarê Sine ji aliyê hêzên ewlehiyê ve hat binçavkirin û bo cihekî nediyar veguhastin.
Roja Duşemî 30ê Rêbendanê, Mistefa Zahêrzihûr, çalakvanê medenî yê bajarê Sine, piştî danîna barimteyê, bi awayekî demkî ji girtîgehê hat azadkirin.
Roja Yekşemî 29’ê Rêbendana 1402’an a Rojî, Hêmin Nîkpey yê xelkê gundê “Çor”a ser bi bajarê Merîwanê ji aliyê hêzên ewlehiyê ve hat binçavkirin.
Sibeha roja Duşemî 30’ê Rêbendan a 1402’an a Rojî, girtiyê bi navê “Îrec Pakî” yê xelkê bajarê Selmasê li girtîgeha navendî ya bajarê Erdebîlê hate îdamkirin.
Roja Şemiyê 28’ê Rêbendana 1402’an Rojî, Rişad Pervîzî endamê komeleya civakî-çandî ya “Nûjîn” ji aliyê hêzên ewlehiyê ve hat binçavkirin.
Ajansa Nûçegihandinê ya Kurdpa
