“Fuad Mehdî Îbrahîmiyan” kolberê temen 24 salî, xelkê bajarê “Serdeştê” ku roja Duşemî 2ê Reşemê, bi sedema teqîna mînê li sînorê bajarê “Bane”yê bi dijwarî birîndar bibû, di wê bûyerê de lingê xwe ji dest da.
Roja Şemî 7ê Reşemê, welatiyek Kurd ê bi navê “Miqdad(Kardox) Hesennijad” xelkê bajarê Seqizê, bi danîna barimteyê ji girtîgeha wî bajarî hate azadkirin.
Hêzên Îtila`ata Spahê bona azadkirina demkî ya “Mêqdad Hesennijad” daxwaza barimteya 300 milyon Tumenî ji malbata navbirî dikin.
Ji qedera 6 welatiyên binçavkirî yên bi navên “Yûsif Umerpûr, Murad Mameş, Eyûb Hedîsî, Rehman Xidmetguzar, Elî Umerpûr û Feryad Şîlan” ên xelkê bajarê Pîranşehrê piştî binçavkirinê, ti zanyariyek ji ber dest de nîne.
“Rêbwar Ebdullahî” çalakvanê kedkarî yê xelkê bajarê Sineyê, hêj li girtîgeha îdareya Îtila`ata wî bajarê de ye û qedera wî nerohn e.
Êvareya roja Înê 6`ê Reşeme (25`ê Şibat a 2022`an), welatiyek Kurd ê bi navê “Seîd Pîran” yê temen 40 sal û xelkê gundê “Kerîmava” yê ser bi bajarê Baneyê, bi sedema teqeya rasterast a hêzên hikûmeta Îranê hate kuştin.
Roja Pêncşemî 5ê Reşem, kedkarekî Kurd bi navê “Behmen (Heyder) Yeqûbî” xelkê bajarê “Ciwanro” yê bi sedema kevtina ji avahiyekî 3 qatî ve, canê xwe ji dest da.
Roja Pêncşemî 5ê Reşemê, Kolberekî temen 18 salî, bi navê “Dana salihpûr” xelkê bajarê “Bane” ê di nava çemê “Tajeban” de xendiqî.
Roja Pêncşemî 5ê Reşemê, “Şe`ban Mihemedî” Endamê Encûmena Sênfî yê Mamosteyên Kurdistanê- Merîwan, bi danîna barimteyê hat serbestkirin.
Roja Çarşemî 4ê Reşemê, kedkarek bi navê “Omîd Rehmanî” kurê “Nasir” xelkê gundê “Lon” yê ser bi bajarê “Kamêran”ê di dema karkirinê de rastî berqgitinê bû û canê xwe ji dest da.
Ajansa Nûçegihandinê ya Kurdpa
